- Governu Hahú Debate OJE 2020
Home » Anúnsiu » Governu Hahú Debate OJE 2020 Imprime pájina
Governu Hahú Debate OJE 2020
Parlamentu Nasionál loron 15 Fulan-Janeiru 2020 – Ministra Finansas Interina i Atual Vise Ministra Finansas Sara Lobo Brites ohin akompaña Primeru Ministru Taur Matan Ruak iha ambitu debate jeneralidade Orsamentu Jeral Estadu (OJE) tinan 2020 ne’ebé ho montante Biliaun $1.668.
Proposta Orsamentu Jerál Estadu ho ninian despezas publika estimadu tinan 2020 hamutuk biliaun 1.668 fahe ba kategória sira hanesan Saláriu Bensimentu 235.6 millaun, Beins Servisus 582.3 millaun, Transferénsia Publika 329.7 millaun, Kapitál Minor 31.5 millaun, no Kapitál Dezenvolvimentu 488.8 millaun.
Hosi proposta OJE ida-ne’e, Governu nia determinasaun bo’ot atu kumpri obrigasaun polítika no konstitusionál sira ne’ebé kompete ba estadu. Estadu hakarak fó kontinuidade ba ezekusaun planu estratezia dezenvolvimentu (PED) tinan 2011-2030 no ba rotéiru 2030 kona-ba implementasaun Objetivu Dezenvolvimentu Sustentavel (ODS) hodi mobiliza ba efeitu setór sira ne’ebé dinámiku liuhosi ita-nia sosiedade no mós hodi kumpri meta sira-ne’ebé governu propoin iha nia programa ba legislasaun atu bele alkansa dezenvolvimentu moris di’ak populasaun sira-nian.
Governu hatene katak implementasaun hosi estratejia sira ne’ebé preve iha dokumentu sira, liu-liu ba vontade polítika orgaun soberanu sira-nian. Maibé iha konviksaun katak susesu implementasaun ne’e sei depende mós ba mobilizasaun hosi ita-nia sosidade lokál sira nomós ita-nia impreza sira.
Iha diskusaun nee, Primeru Ministru VIII Governu Konstitusionál Taur Matar Matan Ruak hato’o mós ninia diskursu relativa ho Proposta OJE 2020 nian iha Parlamentu Nasionál.
- Tuir kalendáriu diskusaun OJE 2020 ne’ebé mak agenadu:
- Iha loron 19-12-2019 Governu Aprezenta Proposta Lei OJE 2020 ba PN.
- Iha loron 23-12-2019 Distribuisaun Proposta Lei ba Bankada Parlamentar no Komisaun Espesializada Permanente sira hodi relata relatóriu pareser setórais sira.
- Iha Loron 6-10 Fulan Janeiru 2020 Komisaun sira halo apresiasaun.
- 10-14 Fulan Janeiru 2020 Elaborasaun no aprovasaun ba relatóriu no pareser Komisaun C nian no aprezentasaun ba Prezidenti Parlamentu Nasionál.
- Iha loron 15-16-17 Fulan-Janeiru 2020 Diskusaun no Votasaun iha jeneralidade.
- Iha loron 20-31 Fulan-Janeiru 2020 Doskusaun no votasaun iha espesialodade nomós votasaun finál karik iha posibilidade redusaun ikus no haruka ba Prezidenti Repúblika.