• Governu Sei Hadia Proposta OJE 2020 Tuir Rekomendasaun Komisaun C

Home » Anúnsiu » Governu Sei Hadia Proposta OJE 2020 Tuir Rekomendasaun Komisaun C Imprime pájina

Governu Sei Hadia Proposta OJE 2020 Tuir Rekomendasaun Komisaun C

20191204_Governu Sei Hadia Propsota OJE 2020 Tuir Rekomendasaun Komisaun C

Ministra Finansas en-ezersisiu i Vise Ministra Finansas, Sara Lobo Brites hateten depois de rona pareser hosi Komisaun C no Deputadu sira. Governu desidi dada fila proposta Orsamentu Jerál Estadu (OJE) 2020 iha Parlamentu Nasionál atu bele hadi’an tuir rekomendasaun hosi Komisaun C.

“Depois de rona pareser hosi Komisaun C no intervensaun hosi deputadu sira hotu, Primeiru Ministru desidi dada fali proposta Orsamentu Jerál Estadu (OJE) 2020 para bele hadi’an tuir rekomendasaun ne’ebé komisaun C fó”. Informa Ministra Finansas en-ezersisiu i Vise Ministra Finansas Sara Lobo Brites ba Jornalista sira iha Parlamentu Nasionál loron 3/12/2019.

Tempu ba hadi’a, ohin Primeiru Ministru pronúnsia ona katak, loron 13 Dezembru, Governu sei submete fali proposta lei ne’e mai parlamentu. Depois parlamentu maka hatene ona bainhira maka atu ajenda fali ba audiénsia ida-ne’e parlamentu nia kompetensia ona.

“Ohin Prezidenti Parlamentu Nasionál pronúnsia Governu bele hatama iha loron 13 Dezembru nia laran no parlamentu sei reajenda fila-fali ba iha audiénsias no diskusaun i provável Janeiru nia laran aprova”.

Prezidenti Repúblika sei análiza ba aprovasaun ka veta, ne’e kompetensia Prezidenti da Repúblika nian, tuir lei nia iha direitu progregativu fulan ida para atu estuda no análiza ba lei. Ho situasaun sira hanesan ne’e, Governu tuir lei enkuantu orsamentu ne’e seidauk aprova sei iha orsamentun Duodesimu.

Hatan ba proposta OJE ne’ebé inkonstitusionál, Ministra Finansas informa, hau hanoin governu mós sei hare’e nein buat hotu-hotu ne’e inkonstitusionál, tanba artigu barak reprodus fali lei sira uluk 2019. Ida- ne’e katak ami halo mudansa no adaptasaun oituan mais maioria artigu barak reprodus fali artigu sira ne’ebé maka ezisti tiha ona iha lei orsamentu 2019 ba kotuk.

“Ne’ebé ami sei hare’e iha artigu ida rua maka ami konsidera elemina, maibé derestu ne’e ami hare’e katak artigu sira ne’e se uluk iha lei 2019 ba kotuk konstitusionál hela nusa maka agora inkonstitusionál”.