• Governu Submete Ona Proposta Lei OJE 2020 Ba PN

Home » Anúnsiu » Governu Submete Ona Proposta Lei OJE 2020 Ba PN Imprime pájina

Governu Submete Ona Proposta Lei OJE 2020 Ba PN

20191223_Governu Submete Ona Proposta Lei OJE 2020 Ba PN

Parlamentu Nasional- 19 Dezembru 2019 – Governu liuhosi Ministra Finansas Interina atual Vise Ministra Finansas Sara Lobo Brites no Ministru Reforma Legislativa i Asuntu Parlamentar Fidélis Manuel Leite Magalhães submete ona proposta lei Orsamentu Jerál Estadu (OJE) Tinan 2020 ho montante $1.668 ba Parlamentu Nasionál.

“Ohin dader kosellu ministru reuni montante global proposta lei orsamentu 2020 ho total $ 1.668 ida-ne’e inklui RAEOA/ ZEESM, Emprestimu ho Doasaun hosi Uniaun Europeia”.

Entaun uainhira ita hasai tiha RAEOA tanba RAEOA utiliza nia saldo ne’ebé durante ne’e nia akumula hela iha tinan hirak nia laran nomós reseitas ne’ebé rekolla. Ita utiliza fila-fali purvolta $127 miloins para realoka fali nia orsamentu. Purtantu bainhira ita esklui tiha RAEOA, empréstimu no doasaun, orsamentu lolos ne’ebé afeta ba iha levatamentu maka $1.460.

“Maibé uainhira ita kompara $1.668 ho orsamentu en kursu 2019 entermus persentuais iha ninia akresimu purvolta 13 pursentu”. Informa Ministra Interina Atual Vise Ministra Finansas Sara Lobo Brites.

Ministra mós informa liutan, koalia kona-ba programa no planu Orsamentu konserteza iha ligasaun. Bainhira ita halo reduasaun iha orsamentu entaun iha mós implikasaun ba iha programa. Maibé governu tenta atu iha redusaun ne’e nafatin fó prioridade ba investimentu i mós tenta atu zere nafatin obrigasois no kontratuis ne’ebé iha tiha ona.

Governu konserteza aliña nafatin orsamentu ho prioridade VIII Governu nian ba ita-nia planu estratezia dezenvolvimentu nasionál.