- Governu Submete Proposta Lei OJE 2019 ba Parlamentu Nasional
Home » Anúnsiu » Governu Submete Proposta Lei OJE 2019 ba Parlamentu Nasional Imprime pájina
Governu Submete Proposta Lei OJE 2019 ba Parlamentu Nasional
VIII Governu Konstitusional liuhosi Ministériu Finansas no Ministériu Reforma Legislativa Asuntu Parlamentar kumpri ona kalendariu hodi submete Proposta Lei Osamentu Jerál Estadu (OJE) Tinan 2019 ho montante US $1.827 biliaun ba Parlamentu Nasional iha loron 8 Novembru 2018.
Prezensa membrus Governu nain rua ne’e hodi kumpri kalendariu ne’ebé Konsellu Ministru antes ne’e desidi tiha ona katak Governu sei submete proposta hosi Lei Orsamentu Jerál Estadu tinan 2019 ba Parlamentu Nasional iha loron 8 Novembru 2018. Orsamentu sira ne’e aloka ba kategoria 5 mak hanesan Salariu Vensimentu US $214,046 milaun, Bens Servisus US $478,262 milaun, Transferensia Públikas US $705,117 milaun inklui sosa asaun Conocco Phillips US $350 milaun, Kapital Minor US $29,401 milaun no Kapital Dezenvolvimentu US $400,173 milaun inklui imprestimus US $87 milaun.
“Orsamentu ne’e fó prioridades ba Infraestrutura, Be’e Mos, Eletrisidade inklui mós sosa asaun Greater Sunrise hosi Conocco Phillips” hateten Vise Ministra Finansas e Ministra Finansas Interina Sara Lobo Brites.
Dokumentus hosi Proposta Lei Orsamentu Jeral Estadu 2019 ne’ebe submete ba Parlamentu Nasional mak Livru 1 Planu Orsamentu, Livru 3A kona-ba Fundu Infraestrutura, Livru 5 Parseiru Dezenvolvimentu, Livru 6 Fundu Dezenvolvimentu Kapital Humanu (FDCH). Iha parte seluk, livru sira seluk ne’ebe seidauk submete ba Parlamentu Nasional maka hanesan Livru 2 Planu no Programa, Livru 3B Despezas Munisipiu, Livru 3C Despezas RAEOA no Livru 4AB Detalhu Despezas ne’ebé oras ne’e iha hela faze tradusaun no gradualmente sei aprezenta antes sesaun plenária hola fatin.