• Iha tempu besik Ministériu Finansas sei halo Transferensia Orsamentu ba RAEAO

Home » Anúnsiu » Iha tempu besik Ministériu Finansas sei halo Transferensia Orsamentu ba RAEAO Imprime pájina

Iha tempu besik Ministériu Finansas sei halo Transferensia Orsamentu ba RAEAO

20190605_Iha tempu besik Ministériu Finansas sei halo Transferensia Orsamentu ba RAEAO 1

Bazeia ba Planu Estatejiku Dezenvolvimentu ne’ebé trasa ona hodi atinje rezultadu iha kurtu- médiu no longu-prazu hodi hamosu konseitu foun hodi dezafia paradigma no modelu ba dezenvolvimentu iha Timor Leste ne’ebé sei hahu uluk husi Oé-Cusse Ambeno, VIII Governu Konstitusional kuntinua sei tau matan ba prosesu ejekusaun OJE hodi asegura utilizasaun orsamentu bazeia ba programa ne’ebe mak trasa tiha ona. Ho nune’e Ministériu Finansas iha tempu besik mai sei halo prosesu transferensia metade balun hosi orsamentu ne’e ba RAEAO.


“Rejiaun Administrativu Espesiál Oe-Cusse – Ambeno (RAEOA) iha hela prosesu tanba akordu entre Sua-Exelensia Primeiru Ministru ho Prezidente RAEOA asina tiha ona iha fim du mês Maiu nian. Ami simu ona karta ka informasaun hosi gabineti, agora hela deit Ministériu Finansas prosesa nia transferensia, ne’ebé iha tempu badak osan ne’e sei transfere ba RAEOA”Lia hirak ne’e hato’o hosi Vise Ministra Finansas Sara Lobo Brites depois remata sorumutu Konsellu Ministru iha Palasiu Governu, 5 Junu 2019.

Totál orsamentu 76 milaun hosi orsamentu 2019 nian ba RAEAO sei aplika ho modelu transferensia metade balun uluk ho total 38 milaun. No transferensia ba faze daruak sei depende ba ezekusaun hosi RAEOA.

Tuir provizaun ida ne’e no atu aumenta transparensia kona-bá finansas publikas, Orsamentu Jeral Estadu 2019 ba Autoridade Rejiaun Administrativu Espesial Oé-Cusse Ambeno no Zona Espesial no Ekonomia Sosial Merkadu Oé-Cusse no Ataúro hanesan mata dalan despezas ba Autoridade RAEOA hodi jere

“Wainhira orsamentu refere transfere ona ba RAEOA, Ministériu Finansas sei rekolla informasaun hodi publika iha Portal Transparensia hodi nune’e públiku bele akompaña.” Hateten Vise Ministra

Zona Espesiál Ekonomia Sosiál Merkadu Timor-Leste nian, mak projetu ida ne’ebé moris ona ho objetivu atu loke dalan no kria futuru ida ne’ebé prósperu ba Timor-Leste, bazeia ba modelu governasaun adekuadu nian ba realidade no ba nesesidade no bele jere oportunidade sira ba investimentu ho retornu ekonómiku, finanseiru no sosiál.