• ILO Asina Akordu Ho MF Apoiu Kustu Operasionál

Home » Announcements » ILO Asina Akordu Ho MF Apoiu Kustu Operasionál Print Page

ILO Asina Akordu Ho MF Apoiu Kustu Operasionál

20200526_ILO Asina Akordu Ho MF Apoiu Kustu Operasionál-edited by DGuterres

Governu Timor-Leste liuhusi Ministériu Finansas (MF) asina ona akordu ida ho Organizasaun Internacional de Trabalho (Singla Ingles ILO) hodi fó apoiu kustus opersaionais ba programa atribuisaun 100 dolar ba uma kain sira.

Tuir Ministra Finansas interina i atual Vise-Ministra Sara Lobo Brites hateten, Ministériu Finansas reprezenta Governu Timor-Leste asina akordu ho Organizasaun Internacional de Trabalho (Singla Ingles ILO). Akordu ne’ebé asina ohin kona-ba financiamentu ne’ebé maka Nasoens Unidas fó ba Timor-Leste atu fó apoiu ba iha programa atribuisaun 100 dolar ba uma kain sira. Apoiu ne’e governu sei uza hodi finansia kustus operasionais, tanba ita hotu-hotu hatene programa 100 dolar ne’e abrange terriotoriu tomak. Kustus operasionais ne’e ás, tanba sei mobiliza ekipa husi Ministériu Solidadridade Sosiál no Inkluzaun (MSSI) atu tu’un ba iha nível aldeia no sukus.

“Apoiu ne’e atu tulun ita, bele halo kaman governu nia todan selu ita nia ofisiais sira bele implementa programa atribuisaun 100 dolar ”, informa Ministra Finansas interina i atual Vise-Ministra Sara Lobo Brites iha Auditórium Xanana Gusmão, Ministériu Finansas, hafoin asina akordu iha loron 26 Fulan-Maiu 2020.

Governante ne’e esplika, apoiu ne’e purvolta 748 mil dólar amerikanu ne’ebé maka sei transfere diretamente ba iha konta fundu Covid-19 nian. Ida ne’e primeira vez mak ita nia parseiru ida fó osan diretamente mai Governu para atu implementa.

“Ida ne’e pasu ida importante bele promove ita nia jestaun finansas publika katak, ita nia parseiru sira mós fiar ita nia sistema i nomós promove boa governasaun”, dehan Governante.
Ministra mós reforsa tan katak, tuir kordensaun ne’ebé maka halo ho Organizasaun Internacional de Trabalho (Singla Ingles ILO) sei halo trasferensia imediata uainhira akordu ne’e asina ona no sei viabiliza kedas ona.

Iha sorin seluk tuir, Residente Coordenador Nasoens Unidas Roy Trivedy hateten, katak nia sente kontente suporta programa ida ne’ebé importante tebes. Tanba ita apoiu sidadaun iha Timor-Leste liuhusi apoiu subsidiu hamutuk ho Ministériu Solidadridade Sosiál no Inkluzaun (MSSI).

“Husi parte Nasoens Unidas, ami kontenti tebes atu suporta programa importante ba ema iha Timor-Leste”, dehan Roy Trivedy.