• Indise Presu Konsumer (IPK) Fulan Fevereiru 2018

Home » Announcements » Indise Presu Konsumer (IPK) Fulan Fevereiru 2018 Print Page

Indise Presu Konsumer (IPK) Fulan Fevereiru 2018

Diresaun Jerál Estatistika (DJE) halo lansamentu ba Indise Presu Konsumer (IPK) ba fulan Fevereiru nian iha Salaun Reha DJE, Caicoli Dili, 20 de Março 2018, ne’ebé mak iha abertura lansamentu ne’e Diretur Jerál Estatistika Interinu, Silvino Lopes hatete, mudansa persentajem Indise Presu Konsumer grupo hotu mensal sa’e (+0.3%) iha fulan Fevereiru 2018, kompara ho fulan Janeiru 2018 mós sa’e (+0.8%).

Nia haktuir tan, presu ne’e hetan kontribuisaun maioria husi grupo hahan no bebidas laos alkoholika (+0.2%), alcohol no tabaku (+1.3%) no transporte (+1.2%). Presu ne’e sa’e iha grupu hahan no bebidas la’os alkoholika hetan impaktu maioria husi sub-grupu na’an (+.7%), kafé xá no cocoa (+0.9%), produtu hahan (+0.8%) no fós (+0.2%).

“Maibe sub-grupu masin midar, marmelada, bani ben, Chokolate no Confectionary (¬1.2%) sai hanesan mudansa kontrariu (offset) ba grupu hahan no bebidas laós alkoholika,” Silvino Lopes.

“Mudansa persentajen IPK annual sa’e (+2.0%) kompara fulan Fevereiru 2018 – Fevereiru 2017, hetan kontribuisaun husi grupu hahan no bebidas la’os alkoholika (+1.4%), Edukasaun (+16.6%), alcohol no tabaku (3.0%), transporte (+1.7%), ekipamentu no manutensaun mobiliario uma laran (+1.8%), ropa no sapatu (1.1%), uma (+0.8%) no komunikasaun (+0.2%), grupu rekreasaun no kultura (-1.1%) sai hanesan mudansa negativu iha tinan kalendariu Fevereiru 2018”, nia esklarese liutan.

“Aliemde ne’e Inflasaun Tradeable (+0.2%) no Non-tradeable mensal (+0.3%) sa’e iha fulan Fevereiru 2018 – Janeiru 2018. Inflasaun Tradeable (+2.0%) no Non-Tradeable annual (+1.4%) sa’e kompara fulan Fevereiru 2018 – Fevereiru 2017,” katak Diretur Interinu ne’e.