• KJFC Aprova Ona Progama, Sub-Programa no Orsamentu Husi CIJK

Home » Announcements » KJFC Aprova Ona Progama, Sub-Programa no Orsamentu Husi CIJK Print Page

KJFC Aprova Ona Progama, Sub-Programa no Orsamentu Husi CIJK

20200425_Konsellu Jestadun Fundu Covi-19 Aprova Ona Progama, Sub-Programa no Orsamentu Husi CIGC

Ministra Finansas interina i Atuál Vise-Ministra Sara Lobo Brites hateten ohin sekretariadu tékniku fasilita enkontru Konsellu Jestaun Fundu Covid-19 (KJFC) ba segunda vez hodi halo aprovasaun urgente ba programa, sub-programa no orsamentu husi Sentru Integradu Jestaun Krize (SIJK) nian ne’ebé hetan tiha ona apresiasaun husi Konsellu Interministériál nomós Konsellu Ministru.

“Diskusaun ohin kona-ba programa sira ne’ebé aprezenta, ita integra hotu kedas ninia orsamentu iha sistema. Iha mós proposta balun ne’ebé maka presiza atualiza hodi bele hetan ninia informasaun detailladu husi ministériu implementadór nomós hodi hetan atualizasaun ba fali sentru integradu” informa Ministra Finansas interina i Atuál Vise-Ministra Sara Lobo Brites iha Auditorium Ministériu Finansas loron 25 Fulan-Abril 2020.

Ministra Finansas interina i Atuál Vise-Ministra Sara Lobo Brites reforsa tan katak, iha ajenda ohin diskuti mós kona-ba proposta husi Ministro dos Negócios Estrangeiros e Cooperação (MNEC-Sigla Portugues) atribuisaun subsídiu ba estudante sira iha rai-liur. Entaun konsellu aprova de’it nia montante globál ne’ebé maka preve tiha ona iha programa no sub-programa. Maibé sei nafatin preciza desijaun ba atribuisaun ba kada estudante tuir kustu de vida iha nasaun ida-idak. I konsellu mós presiza sekretariadu atu halo verifikasaun ba validade husi dadus nomós sekretariadu sei prepara nia mekanismu pagamentu ba benifisíariu sira.

“Konsellu aprova mós fatura husi servisiu Aéreo ne’ebé maka ho baze ba kontratu ne’ebé maka Ministério dos Transportes e Comunicações (MTC-Sigla Portugues) no Airnorth asina tiha ona iha semana hirak liuba hodi asegura konektividade nomós transportasaun ekipamentus esensiál sira ne’ebé husi kompra ka akizasaun sira ne’ebé governu rasik halo ba prevensaun no mitigasaun Covid-19”, esplika Ministra Finansas interina i Atuál Vise-Ministra Sara Lobo Brites.

Governante ne’e mós reforsa tan, konsellu inklui iha proposta sub-programa atribuisaun $100 dolár ba uma-kain sira-nia orsamentu. Entaun ida-e’e presiza duni atu halo ajustamentu ho programa husi Sentru Integradu Jestaun Krize sira. Tanba ida-ne’e iha tiha ona autorizasaun husi konsellu Ministru ne’ebé ita hotu-hotu akompaña. Maibé nia montante lo-loos hira, totál uma-kain, ho mós montante osan lo-loos ita sei hein Ministério da Solidariedade Social e Inclusão, Ministério da Administração Estatal nomós Ministério das Finansas sei halo levantamentu urzenti. Ho dadus sira hodi nune’e ita bele determina nia montante uma-kain no montante osan ne’ebé presiza atu kobre despesas refere.

“Ikusliu Konsellu Jetaun mós desidi atu iha relatóriu ezekusaun fundu nian sei partilla ho entidade sira-ne’ebé maka halo mós fiskalizasaun ka eskrutiniu ba iha ezekusaun fundu Covid-19 para atu promove transparénsia ba ezekusaun ne’e rasik”, reforsa Governante ne’e.

Ministra Finansas interina i Atuál Vise-Ministra Sara Lobo Brites esplika katak ita rasik akompaña preokupasaun husi komunidade kona-ba ezekusaun fundu covid-19. . Presiza atu partilla informasaun para hodi bele promove transparénsia ho nune’e hotu-hotu bele akompaña osan fundu ne’e gasta ba iha ne’ebé no gasta ba saida.

Enkontru ohin partisipa husi Presidente no membru Konsellu nain rua hanesan Ministério dos Negócios Estrangeiros e Cooperação (MNEC-Sigla Portugues) no Ministério Saúde ho sekretariadu tékniku no nia ekipa tomak. Diskusaun kona-ba programa en jerál no programa sira-ne’ebé aprezenta, ita integra hotu kedas ninian orsamentu iha sistema.