• KJFC Filtra Proposta Sira Husi Ministériu no Institusaun Implementadór Ba Fundu Covid-19

Home » Announcements » KJFC Filtra Proposta Sira Husi Ministériu no Institusaun Implementadór Ba Fundu Covid-19 Print Page

KJFC Filtra Proposta Sira Husi Ministériu no Institusaun Implementadór Ba Fundu Covid-19

20200506_KJFC Filtra Proposta Sira Husi Ministériu no Institusaun Implementadór Ba Fundu Covid-19-edited by DGuterres

Konsellu Jestaun Fundu Covid-19 (KJFC) halo reuniaun ho diretór jerál sira husi ministériu no instituisaun implementadór ba fundu Covid-19 hodi filtra proposta ne’ebé tama tuir lei nº 12/2020 husi Parlamentu Nasionál (PN).

Ministru Negósiu Estranjeiru no Kooperasaun (MNEK) Dionísio da Costa Babo Soares hateten tuir kabimentu orsamentu ne’ebé maka iha, ohin Konsellu Jestaun Fundu Covid-19 halo diskusaun mós ho diretór jerál sira hodi filtra proposta ne’ebé maka hatama ona. Tanba ita tenki tuir loloos lei nº 12/2020 husi Parlamentu Nasionál (PN) nomós regra implementasaun fundu Covid-19 ne’e rasik. Lei hateten katak, kualker ke seja proposta tenki iha relasaun direta ho Covid-19.

“Bainhira ministériu sira aprova hotu rekizitu ne’e, klaru konsellu jestaun sei reuni fali dala ida para aprova hodi bele halo pagamentu”, informa Ministru Negósiu Estranjeiru no Kooperasaun (MNEK) Dionísio da Costa Babo Soares iha Auditórium Ministériu Finansas loron 06 Fulan-Maiu 2020.

Reuniaun Konsellu Jestaun Fundu Covid-19 ba dala ha’at ne’e halo aprezentasaun no planu ezekusaun husi ministériu balun, inklui Gabinete Primeru Ministru (GPM) no Sentru Integradu Jestaun Krize (CIGC Sigla Portugués), Ministériu Transporte Komunikasaun (MTK), Ministériu Turismu Komersiu Industria (MTKI), Sentru Nasionál Logistika (CLN sigla Portugués), Ministériu Defeza i Seguransa (MDS), Ministériu Interior (MI), Ministériu Saúde (MS).

Ministru mós esplika katak ministériu ida-idak iha nia atividade hanesan Sentru Integradu Jestaun Krize (CIGC Sigla Portugués) nia servisu espesífiku ba iha kontrolu, análize i nomós produs desizaun polítika kona-ba Covid-19. Iha Ministériu Defeza i Seguransa (MDS), ligasaun ho sira nia ema sira ne’ebé maka servisu iha liña primeiru, ligasaun ba ropa protesaun no máskara sira. Ministériu Turismu Komersiu Industria (MTKI) liga ba quarentena, pagamentu ba ótel no hahan sira. Sentru Nasionál Logistika (CLN siglaPortugués) relasiona ho sosa foos nian stock ba fulan sira tuir mai.

“Proposta sira ne’e ami haree tuir fali pontus-pontus balun maka ami hanoin tenki filtra tiha hodi kumpri loloos lei ne’ebé maka iha”, dehan Ministru Negósiu Estranjeiru e Kooperasaun Dionísio da Costa Babo Soares.

Governante ne’e reforsa tan katak ministériu hotu-hotu tau osan atu sosa ekipamentu saúde hanesan máskara, roupa no luvas. Ida ne’e Ministériu Saúde nian, ne’ebé husi sira atu halo akizasaun ba de’it Ministériu Sáude lalika ida-idak hola ninian. Planu programasaun sira ne’e ita tenki haree para filtra hotu kedas kona-ba kestaun sira ne’ebé ita hanoin bele selu ho despezas rotina ministériu ida-idak nia lalika halai ba fundu Covid-19. Hanesan matéria eskritoriu, gasolina, ida ne’e la’os Covid-19 ne’e iha Bens i Servisus kada ministériu iha Dotasaun Orsamentu Temporaria (DOT). Nune’e mós bele haree husi fundu seluk ne’ebé tenki diskuti hamutuk ho Ministériu Finansas para hetan aprovasaun.

Iha enkontru ida ohin ita halo aprovaun hotu ona, hein de’it atu kompleta rekizitu sira tenki halo lalais, tanba ne’e ami husu ministériu sira tenki servisu halo lalais.