• KJFC Halo Divizaun Tarefas Pagamentu Fundu Covid-19

Home » Announcements » KJFC Halo Divizaun Tarefas Pagamentu Fundu Covid-19 Print Page

KJFC Halo Divizaun Tarefas Pagamentu Fundu Covid-19

20200508_KJFC Halo Devizaun Tarefas Pagamnetu Fundu Covid-19-edited by DGuterres

Governu liuhusi Konsellu Jestaun Fundu Covid-19 halo ona divizaun tarefas no responsabilidade pagamentu fundu Covid-19 entre ministériu sira bazeia ba rekomendasaun husi Konsellu Interministeriál.

Tuir Ministru Negósiu Estranjeiru no Kooperasaun (MNEK) Dionísio da Costa Babo Soares hateten bazeia ba rekomendasaun husi konsellu Interministeriál tenki iha divizaun tarefas ne’ebé halo hamutuk entre ministériu lubuk ida iha responsabilidade ba pagamentu sira fundu Covid-19. Antes Sentru Integradu Jestaun Krize (CIGC Sigla Portugués) establese Ministériu Saúde maka ka’er prosesu tomak inklui prosesu preparasaun rejolve moras, quarentena no catering. Maibé tanba Parlamentu Nasionál (PN) aprova ona lei no 12/2020 kona-ba fundu Covid-19 maka pagamentu sira tenki refere hotu mai fundu.

“Pagamentu refere ona mai fundu, maibé prosesu normál tenki tuir rejime aprovizionamentu iha tempu normál”, informa Ministru Negósiu Estranjeiru no Kooperasaun (MNEK) Dionísio da Costa Babo Soares iha Auditórium Ministériu Finansas, loron 8 Fulan-Maiu 2020.

Iha servisu barak hanesan quarentena, catering, tuir loloos Ministériu Turismu Komersiu Indústria (MTCI sigla portugués) ninia responsabilidade no uluk Ministériu Saúde (MS) maka ka’er hotu. Agora oinsa maka rejolve asuntu ne’e tuir rejime jerál aprovizionamnetu nian bele la’o ho loloos.

Ministru mós esplika, kestaun legais sira ne’e maka ami rezolve ohin loraik ne’e no konkorda ona proseau tomak Ministériu Saúde maka sei responsabiliza nafatin. Maibé iha nia implementasaun tenki iha tarefa konjunta MS no MTCI inklui Ministériu sira tama hotu iha laran hanesan Ministériu Obras Publikas, Turismu, Edukasaun no sira seluseluk tan. Tuir saida maka hato’o husi MTCI no MS no Ministériu Finansas totál orsamentu purvolta $ 6 millaun resin hahu desde akontese Covid-19.

“Ohin loraik ami rejolve ona ita entrega ona ba Ministériu Finansas liu-liu Sekretariadu Tékniku Fundu Covid-19 nian no iha tempu badak bele selu ona”, esplika Ministru.
Governante ne’e husu ba maluk sira hotu atu pasiensia oituan, tanba prosesu maka hanesan ne’e liu-liu parseiru estadu, setór publiku, privadu atu komprende situasaun ne’e la’os fasil no tenki rezolve tuir lei tanba prosesu mak hanesan ne’e duni.

“Ita espera iha tempu badak semana oin prosesu sira ne’e hotu ona bele halo ona pagamentu”, informa Ministru Negósiu Estrangeiru no Kooperasaun, Dionísio da Costa Babo Soares.
Governante ne’e informa tan katak, iha Konsellu Jestaun Fundu Covid-19 (KJFC) ko’alia mós asuntu balun ligadu ho pagamentu balun ne’ebé aprova tiha ona iha Konsellu Ministru i uainhira kompletu ona ita halo pagamentu hotu kedas, inklui servisu sira ne’ebé iha impaktu diretu husi Covid-19.