• Klarifikasaun ba públiku kona-ba “Governu Kontrata Eis Ministra Finansas Emília Pires sai Asesora MF – Ne’ebé publika Hosi Journal Independente”

Home » Announcements » Klarifikasaun ba públiku kona-ba “Governu Kontrata Eis Ministra Finansas Emília Pires sai Asesora MF – Ne’ebé publika Hosi Journal Independente” Print Page

Klarifikasaun ba públiku kona-ba “Governu Kontrata Eis Ministra Finansas Emília Pires sai Asesora MF – Ne’ebé publika Hosi Journal Independente”

Klarifikasaun ba públiku

Dili, 10 Setembru 2018,

Haktuir hosi Lei Komunikasaun Sosial No.5/2014, Kapítulu I, artigu 2, pontu (g) kona-ba “Direitu atu hatán”, Ministériu Finansas hakarak uza biban ne’e atu halo klarifikasaun ba públiku kona-ba konteudu informasaun ne’ebé publika hosi Journal Independente, edisaun Segunda, 10 Setembru 2018 iha pajina oin ho titulu “Governu Kontrata Arguida Emília Pires sai Asesora MF”

Nu’udar parte integrada hodi promove Boa Governasaun haktuir hosi Prinsipius VIII Governu Konstitusional nian, Ministériu Finansas hakarak hato’o mos apresiasaun ba kolaborasaun hosi media sira ne’ebé mak ajuda ona hodi harii sosiadade ida ne’ebé maduru iha informasaun hirak ne’ebé asesu lor-loron hosi ita nia sosiadade.

Klarifikasaun hirak ne’ebé Ministériu Finansas presija atu klarifika mak hanesan pontu hirak tuir mai ne’e:
1. Depois remata kargu hanesan Ministra Finansas iha V Governu Konstitusional hahu’u hosi 2012 – 2014, Emilia Pires hetan duni kontratu nu’udar Asesora ba Strategy Leadership and Inovation ne’ebe hare ba Reforma Jesatun Desempenhu iha ambítu VI Governu Konstitusional ne’ebé lideradu hosi Dr. Rui Maria Araujo.

2. Kontratu ne’ebe Ministériu Finansas oferese ba Eis Ministra Finansas Emilia Pires inisia iha 8 Junhu 2015.

3. Iha Novembru 2016, Eis Ministra Finansas Emilia Pires resigna an hodi la asumi ona qualquer kargu nu’udar Asesora iha Ministériu Finansas liuhosi Karta Resignasaun Ofisial ne’eba mak haruka hosi Eis Ministra Finansas Emilia Pires iha loron 13 Dezembru 2016.

4. Ho nune’e, Gabinete Komunikasaun no Informasaun Ministériu Finansas iha biban ne’e hakarak klarifika ba publiku no media sira katak Eis Ministra Finansas, Emilia Pires oras ne’e la asume ona qualquer pozisaun iha Ministériu Finansas hanesan informasaun ne’ebé mak fo sai iha Journal Independente iha ninia kobertura loron 10 Setembru 2018.

5. Husu ba maluk media Indepedente atu bele halo klarifikasaun ba konteudu publikasaun ne’e hodi nune’e públiku hetan duni informasaun ne’ebé los, klaru no iha responsabilidade.

6. Ho nune’e afirma dalaidatan katak hanesan eis ministra Emilia Pires nu’udar Eis Membru Governu durante ne’e la halao rekerementu direitu atu simu pensaun vitalisia. Ne’e duni dalaidatan konfirma katak Emilia Pires la hetan pagamentu ruma nu’udar eis ministra ne’ebé durante nee media sempre kestiona bebeik.

Media nu’udar kanal komunikasaun efikaz, transparente e eficiente ne’ebe iha papel importante nu’udar agente mudança e renovasaun. Informasoens hosi media nu’udar ponte hodi ajuda processo unifikasaun nasional, espesialmente hodi transforma informasoens desenvolvimentu ne’ebe halao hosi governo ba ninia povo.

Atu hetan informasaun klaru liu bele kontaktu
Agustinho Castro
Chefe Gabinete Komuniksaun no Informasaun
Telp +670 7723 0124