• KM Aprova Ona DOT Fulan Janeiru

Home » Anúnsiu » KM Aprova Ona DOT Fulan Janeiru Imprime pájina

KM Aprova Ona DOT Fulan Janeiru

20200113_Komunikadu de Impresnsa _KM Aprova Ona DOT Fulan Janeiru 2020

Ministériu Finansas iha Loron 13 Janeriu 2020– Konsellu Ministru aprova ona Dotasaun Orsamentu Temporaria (DOT) ba fulan-Janeiru nian ho montante 116.4 milloens.

Tuir Ministra Finansas Interina i atual Vise Ministra Finansas Sara Lobo Brites hateten ohin KM aprova Dekretu Ezekusaun DOT ba fulan-Janeiru nian no fiksa montante DOT fulan-Janeiru ho montante 116.4 milloens ba kategória 4 la inklui Kapitál Minór, haktuir abrigu artigu 31 Lei nº3/2009, altera hosi Lei nº9/2011 nº3/2013, konjuntu hosi normas ne’e atu disiplina aplikasaun rejime Duodésimu.

Diploma ne’e prevê atu públika ohin kedas, hodi nune’e Entidade Estadu sira bele hahú ezekuta ona dotasaun orsamentu temporária ba fulan Janeiru nian iha loron 14 de Janeiru hodi permite funsaun normal aktividade estadu nian.

Tuir fali iha parte lokraik Diresaun Jeral Planeamentu no Orsamentu sei organiza sorumutu ho Diretores Jerais/Nasionais hotu-hotu hodi distribui envelope DOT ba kada Organismu Estadu nian ho baze ba montante aprovadu iha KM no sei fo esplikasaun sobre Sirkular ba regras ezekusaun DOT Janeiru.

Diploma ida-ne’e hahú tama iha vigór hafoin publikasaun no produz efeitu iha loron 1 fulan-Janeiru tinan 2020 nomos remata automatikamente bainhira Lei Orsamentu Jerál Estadu (OJE) ba 2020 tama iha vigór.

Fim.