• KM Aprova Ona DOT Fulan- Juñu Nian

Home » Announcements » KM Aprova Ona DOT Fulan- Juñu Nian Print Page

KM Aprova Ona DOT Fulan- Juñu Nian

20200603_KM Aprova Ona DOT Fulan Juinu Nian - edited by DGuterres

Governu liuhusi Reuniaun Konsellu Ministru aprova ona Dotasaun Orsamentu Temporáriu (DOT) Fulan- Juñu 2020 nian ho montante millaun $ 122,3 inklui mós pagamentu ba empréstimu.

Ministru Finansas Fernando Hanjam aprezenta ona projetu deliberasaun ne’ebé fiksa Dotasaun Orsamentu Temporária (DOT) ba Fulan- Juñu tinan 2020 nian ho montante millaun $ 122,3 inklui pagamentu ba empréstimu. Husi valór despezas hirak ne’ebá, valór ne’e inklui mós millaun 3,3 hodi halo pagamentu ba Nakroma II, millaun $ 7 hodi asegura pagamentu ba subsídiu extraordináriu ho 60 pursentu husi remunerasaun iha âmbitu medida hodi fó apoiu ba empregu.

Totál Dotasaun Orsamentu Temporária (DOT) ba Fulan Juñu nian ho despezas millaun $122,3 fahe ba katogoria sira hanesan tuir mai: Saláriu e Vensimentus millaun $17,852; Bens e Servisus millaun $49,928; Transferênsia Públika millaun $26,591; Kapitál Menor millaun $3,031 no Kapitál Dezenvolvimentu millaun $24,869.

Iha fatin hanesan, Ministru Finansas mós aprezenta proposta lei ne’ebé aprova ona iha Konsellu Ministrus kona-ba autorizasun hodi realiza transferénsia extraordinária husi Fundu Petrolíferu no mós alterasaun dahuluk ba Lei n.0 2/2020 loron 6 Fulan-Abril nian ne’ebé kria Fundu Covid-19. Ho hanoin mós katak, reseita hira ne’ebé mai husi reseitas fiskais no saldo ezekusaun orsamentál husi tinan kotuk nian ne’ebé kompleta husi transferénsia extraordinária husi FunduPetrolíferu. Autoriza husi Lei n0 2/2020 loron 6 Fulan-Abril nian la sufisiente atu finansia atividade regular atu regula administrasaun publika nian. Além de Fulan-Abril nian no montante ne’ebé atribui ba fundu Covid-19 hatudu katak la kobre despezas tomak ne’ebé previstu tuir medida prevensaun no kombante ba pandemia Covid-19.

“Diploma ida ne’e ho objetivu fó autorizasaun atu realiza transferénsia extraordinária husi Fundu Petrolíferu ba Orsamentu Jerál Estadu ho valór 286.800.000 dólar amerikano hodi garante kondisaun finanseira sufisiénte ba finansiamentu normál administrasaun públika to’o loron aprova ona Orsamentu Jerál Estadu nian ba 2020”, dehan Vice-Ministra das Finansas, Sara Lobo Brites.

Proposta Lei ne’e mós sei hetan alterasaun dahuluk Lei n0 2/2020 loron 6 Fulan-Abril nian ne’ebé autoriza hodi realiza transferénsia husi Fundu Petrolíferu iha tinan finanseiru 2020. Kria fundu Covid-19 ho objetivu atu klarifika katak, finalidade husi fundu ne’e sei finansia mós medida ba apoiu ekonómiku no protesaun sosiál ba populasaun sira ne’bÉ ekonómikamente vulnerável.