• KM Aprova Ona Dot Fulan-Maiu Nian

Home » Announcements » KM Aprova Ona Dot Fulan-Maiu Nian Print Page

KM Aprova Ona Dot Fulan-Maiu Nian

20200505_KM APROVA ONA DOT FULAN-edited by DGuterres

Governu liuhusi reuniaun Konsellu Ministru extraordináriu aprova ona Dotasaun Orsamentu Temporaria (DOT) ba Fulan-Maiu nian tinan 2020 ho montante $ 122.228.000 inklui pagamentu ba empréstimu.

Tuir Ministra Finansas interina i Atual Vise-Ministra Sara Lobo Brites hateten, iha Konsellu Ministru extraordináriu ohin Ministériu Finansas iha ajenda rua. Primeiru aprezenta Dotasaun Orsamentu Temporaria (DOT) ba Fulan-Maiu nian ne’ebé maka konsellu ministru aprova ona ho montante $ 122.228.000 millaun inklui empréstimu. Uainhira esklui tiha empréstimu ho montante DOT iha $ 114 millaun hanesan mós DOT ba fulan-Abril nian. DOT ba Fulan-Maiu ne’e nafatin Ministériu aplika esepsaun ba instituisaun balun. Atu assegura nia kna’ar hanesan SAMES presiza nia abastese aimoruk ho mós Presidência do Conselho de Ministros (PCM) presiza esepsaun i nomós Ministerio Obras Públicas (MOP) para assegura mina ba jeradór sira.

“Embora iha esepsaun maibé nia montante ne’e ita mantein nafatin tuir regime duodésimu um doze avos (1/12) ba iha prorogasaun orsamentu 2019 nian”, informa Ministra Finansas interina i Atual Vise-Ministra Sara Lobo Brites iha Auditorium Ministériu Finansas, loron 05 Fulan-Maiu 2020.

Kona-ba kategoria husi Dotasaun Orsamentu Temporaria Ministra esplika katak, DOT ba fulan-Maiu ita fahe ba kategoria Salarius i Vensimentus $ 17.852 millaun, Bens i Servisus $ 44.894 millaun, Trasferensias Publikas $ 26.591, Kapital Dezenvolvimentu $ 26.242 millaun. Ita nafatin esklui Kapitál Minór embora ministériu rua maka aprezenta sira iha nesesidade atu selu Kapitál Minór sira nia ba akizasun balun halo iha 2019. Hanesan Ministériu Justisa sira iha akizasaun balun ba iha Prizaun Becora nian ida ne’e tinan kotuk nian, ne’ebé empresa ne’e foin maka entrega no ita esklui tiha Kapitál Minór no ita seidauk selu.

“ Mas ida ne’e ohin ita iha loron 5 ona ita tenki aprova DOT Maiu nian, ita labele dada bei-beik ida ne’e sei husik ba Ministériu Finansas ho Ministériu Justisa atu hare’e to’ok oinsa atende fulan ida ne’e ou fulan oin”, hateten Ministra Finansas interina.

Iha fatin hanesan Ministra Finansas interina i Atual Vise-Ministra Sara Lobo Brites informa ajenda segundu Konsellu Ministru mós ohin aprova rejolusaun ida ne’ebé maka aprezenta husi Ministériu Finansas kona-ba suplementu remuneratóriu ba profesionais sira. Karik ita bo’ot sira akompaña iha semana kotuk Prezidenti Repúblika promulga ona dekretu-lei ne’ebé maka halo atirbuisaun suplementu remuneratóriu ba ita nia profesionais sira. No Rejolusaun ohin ohin fiksa nia montante ho mós nia períodu aplikasaun.

“Rejolusaun ne’e produs efeitu hahú 28 Marsu tanba ita hatene uainhira Covid-19 hahú Ministériu Saúde sira komesa hala’o ona servisu i nia durasaun depende ba estadu emerjensia no Covid-19 ne’e rasik”. hateten Ministra Finansas interina i Atual Vise-Ministra Sara Lobo Brites.

Governante ne’e esplika tan kona-ba nia mekanismu pagamentu, ita hein ministériu sira ne’ebé maka elizível atu aprezenta lista naran kuadru funsionáriu ho mós montante ne’ebé atribui depende ba lista prezensa i sertifikasaun husi sala situasaunn. Tanba ne’e ohin Primeiru Ministru rasik husu ba membru governu responsável sira ne’ebé maka iha área Defeza i Seguransa ho mós Saúde iha sertifikasaun Sala Situasaun para atribui montante ba ema ne’ebé maka envolve duni iha prevensaun kombate Covid-19.

“Sela’e ita bele kria injustisa ba ema ne’ebé la involve diretamente simu suplementu hanesan ho ema ne’ebé husik hela sira nia família hodi dedika sira nia tempu ba iha kna’ar sira todan”, Reforsa Governante ne’e.

Subsidiu Remuneratóriu nia montate ne’ebé kria ona husi Dekretu-Lei n0. 17/2020 ba funsionáriu ajente no trabalhador sira husi administrasaun publika ne’ebé presta sira nia atividade iha servisu prevensaun no kontrolu Covid-19 durante vijensia estadu emerjensia. Suplementu remuneratoriu ida ne’e varia entre 5 no 25 dolár amerikanu ba kada loron traballu husi benifisiariu sira durante vijensia estadu emerjensia tuir grau risku ne’ebé funsionáriu ida-idak hetan.