• KM Aprova Ona Proposta Orsamentu Duodésimu Ba Fulan-Fevereiru 2020

Home » Announcements » KM Aprova Ona Proposta Orsamentu Duodésimu Ba Fulan-Fevereiru 2020 Print Page

KM Aprova Ona Proposta Orsamentu Duodésimu Ba Fulan-Fevereiru 2020

Palásiu Governu Loron 05 Fulan-Febreiru 2020- Ministra Finansas i Atual Vise Ministra Finansas Sara Lobo aprezenta proposta orsamentu Duodésimu ba Fulan- Fevereiru 2020 ho montante millaun $ 116.449.057 no proposta refere hetan ona aprovasaun hosi Konsellu Ministru.

Tuir Ministru Estadu Prezidensia Konsellu Ministru, Hermengildo Augusto Cabral Pereira heteten, ohin reuniaun oridinariu Konsellu Ministru nian hanesan ita-bo’ot sira hotu-hotu hatene. Iha asuntu ne’ebé Konsellu Ministru aprova importante ida mai hosi Ministra Finansas i Atual Vise Ministra Finansas Sara Lobo Brites kona-ba Duodésimu husu ba iha fulan- Fevereiru 2020 nian ho totál millaun $116.449.057.

“Ne’ebé Konsellu Ministru aprova proposta finansas nian, Duodésimu nia osan ba fulan ida-ne’e ninian totál millaun $116.449.057”, informa Ministru Estadu Prezidénsia Konsellu Ministru, Hermengildo Augostu Cabral Pereira liuhosi konferensia imprensa.

Hosi totál refere fahe ba kategoria ha’at hanesan Saláriu no Vensimentu millaun $ 17.852.076, Bens no Servisu millaun $ 38.640.980, Transferensia Publika millaun $ 26.591.048, Kapitál Dezenvolvimentu millaun $ 33.390.953. Ida-ne’e hotu maka halo totál millaun $ 116, 449,057.