• KM Aprova Ona Proposta Terseira Alterasaun Ba Lei Orsamentu Jestaun Finanséira

Home » Announcements » KM Aprova Ona Proposta Terseira Alterasaun Ba Lei Orsamentu Jestaun Finanséira Print Page

KM Aprova Ona Proposta Terseira Alterasaun Ba Lei Orsamentu Jestaun Finanséira

I_20200311_KM Aprova Ona Proposta Terseira Alterasaun Ba Lei Orasamentu Jestaun Finanséiru Sony -Edited by DGuterres

Governu Liuhusi Reuniaun Konsellu Ministru ohin loron 11 Fulan-Marsu 2020 aprova ona proposta terseira alterasaun ba lei orsamentu jestaun finanséira, artigu 31 ne’ebé kolia kona-ba rejime duodésimu.

Tuir Ministra Finansas i Atual Vise-Ministra Finansas Sara Lobo Brites hateten ohin Konsellu Ministru aprova proposta kona-ba terseira alterasaun ba lei orsamentu no jestaun finanséira n0 13/2009 de 21 de Outubro, artigu 31 ne’ebé maka ko’alia kona-ba rejime duodésimu. Alterasaun ne’e atu bele iha fleksibilidade oituan nomós atu fó biban ba iha governu atu bele atende situasaun balun. Kontratus ne’ebé governu iha parte terseiru sira ne’ebé maka nia montante bele liuhusi fulan ida nian. Ho mós bele atende situasaun ida agora Ministériu Negosiu Estranzeiru sira infrenta hela. Liu-liu aluger ka rendas ba embaixada sira tuir kontratu balu selu fulan neen no balun selu tinan ida.

“Tanba ne’e maka alterasaun ne’e atu loke dalan oitaun para governu bele atende kontratu no atende nesesidade ne’ebé maka tenki halo tanba ultrapasa montante ne’ebé maka defini”, informa Ministra Finansas i Atual Vise-Ministra Finansas Sara Lobo Brites.

Ministra mós esplika katak, ho rejime duodésimu lei la fó dalan ita atu selu fulan-neen dala ida, entaun alterasaun ida-ne’e atu fó dalan ba situasaun ida-ne’e. Nomós situasaun balun ita hasoru hela sosa aimoruk ba iha Sáude nian no pagamentu ba benifisiu sosiál sira.

Ministra mós hateten katak “Se imi hatene katak, rejime duodésimu ne’e dotasaun ba fulan ida de’it la-bele liuhusi fulan ida, nia despezas mós hanesan ba fulan ida de’it. Tanba ne’e maka alterasaun ne’e atu preve ida-ne’e”.