• KM Autoriza Ministériu Finansas Asina Akordu Empréstimu ho Banku Mundiál

Home » Anúnsiu » KM Autoriza Ministériu Finansas Asina Akordu Empréstimu ho Banku Mundiál Imprime pájina

KM Autoriza Ministériu Finansas Asina Akordu Empréstimu ho Banku Mundiál

20191218_KM Autoriza Ministériu Finansas Asina Akordu Empréstimu ho Banku Mundiál

Palasiu Governu 18 Dezembru 2019 – Reuniaun Konsellu Ministru autoriza Ministra Finansas Interina i atual Vise Ministra Finansas Sara Lobo Brites asina akordu empréstimu ho Banku Mundial kona-ba reabilitasaun no manutensaun estrada iha Gleno,Letefoho no Hatu-Biliku.

Ministru Estadu no Ministru Prezidénsia Konsellu Ministru, Hermengildo Augustu Cabral Pereira hatete ohin reuniaun Konsellu Ministu simu mós proposta ida hosi Ministériu Finansas atu asina akordu ho Banku Mundiál. Akordu ne’e para atu hadia estrada Gleno, Letefoho no Hatu-Beliku. Ho distansia 44.3 km no totál kustu 70.81 milloens i 59 milloens maka sei mai hosi empréstimu ne’ebé ita simu hosi Banku Mundiál.

Ministru Estadu no Ministru Prezidensia Konsellu Ministru, SE Hermengildo A. C. Pereira

“Ne’e polítika governu nian duni enkoraja empréstimu hodi bele hatun todan hosi fundu petrolíferu. Ohin aprova duni Ministériu Finansas atu hahu negosiasaun ho asina akordu ho Banku Mundiál”. Informa Ministru Estadu no Ministru Prezidénsia Konsellu Ministru, Hermengildo Augustu Cabral Pereira hafoin inkontru Konsellu Ministru ohin.
Tempu konstrusaun tinan 3 no sei hahu hosi tinan 2020 no remata iha tinan 2023.