• Komisaun E Hosi Parlamentu Nasional Vizita Projetu Portu Tibar

Home » Anúnsiu » Komisaun E Hosi Parlamentu Nasional Vizita Projetu Portu Tibar Imprime pájina

Komisaun E Hosi Parlamentu Nasional Vizita Projetu Portu Tibar

20191120_Komisaun E hosi Parlamentu Nasional vizita Projetu Portu Tibar

Komisaun E asuntu infraestruturas, transportes no komunikasaoens hosi Parlamentu Nasionál lidera hosi prezidenti komisaun E, Abel Pires da Silva hamutuk ho komitiva iha loron 19 Novembru 2019, halo vizita ba konstrusaun Portu Tibar iha munisípiu Liquiça.

Vizita traballu ne’e hodi haree direta andamentu hosi projetu ne’e rasik, hodi nune’e bele ajuda komisaun e hodi hatene diak situasaun atual hosi projetu ne’e rasik. Tanba projetu tibar nu’udar projetu estratéjikus ne’ebé sei fo benefísia ba estadu inklui mos mellora setór ekonômiku ho própriu wainhira obra refere finaliza tuir akordu ne’ebé mak iha.

“ami kontenti mai haree no rona ita bo’ot sira, ida ne’e diak tebtebes depois maka ita haree ba oin saida maka komisaun E-Parlamentu Nasionál bele garantia katak projetu ne’e bele susesu” haktuir prezidenti komisaun E, Abel Pires da Silva.

Komisaun E hosi Parlamentu Nasionál nu’udar komisaun iha área infraestruturas, transportes no komunikasoen ne’ebé tau matan bá infraestrutura hanesan estrada no lurón, infraestruturas aeroportuárias, kontrolu inundasaun, bee no saneamentu, uma no urbanizasaun, produsaun enerjia, transporte, telekomunikasoens no servisu postáls.

Através hosi vizita ne’e, reprezentantes povu iha uma fukun Parlamentu Nasionál bele hetan informasoens relevantes kona-ba sustentabilidade hosi projetu ne’e liu-liu kona-ba realizasaun dezenvolvimentu ne’ebé sei benefísia povu Timor-Leste.