• Komisaun Reforma Fiskal (KRF) Apresenta Progresu Relatóriu Servisu ba Primeiru Ministru no Liña Ministériu Sira

Home » Anúnsiu » Komisaun Reforma Fiskal (KRF) Apresenta Progresu Relatóriu Servisu ba Primeiru Ministru no Liña Ministériu Sira Imprime pájina

Komisaun Reforma Fiskal (KRF) Apresenta Progresu Relatóriu Servisu ba Primeiru Ministru no Liña Ministériu Sira

Ministériu Finansas liuhosi Komisaun Reforma Fiskál (KRF) aprezenta progresu relatóriu servisu Autoridade Tributaria (AT) no Autoridade Aduaneira (AA) ba Primeiru Ministru no liña ministériu sira atu bele servisu hamutuk hodi hasa’e liu tan reseitas doméstika liuhosi autoridade rua ne’e. Enkontru ne’ebé realiza iha palasiu governu iha loron 15 outubru 2018 ne’e prezidi hosi atual Primeiru Ministru, Taur Matan Ruak.

Autoridade Aduaneira no Autoridade Tributária legalmente tama iha vigor no hahú halo nia funsaun iha 30 Setembru 2017 no 1 Outubru 2017 respetivamente instituisaun rua ne’e estabelese hodi troka Diresaun Jerál das Alfândegas no Diresaun Jerál dos Impostos.

“Reforma ida ne’e nia objetivu atu bele hasa’e liutan reseitas doméstika entaun la’os deit rekrutamentu, mas tenki mós hadia sistema ba iha autoridade rua ne’e no formasaun nune’e mós kria kondisaun ba funsiunáriu sira ne’ebé maka servisu ihaAutoridade Aduaneira no Autoridade Tributaria”, katak Vise-Ministra Finansas, Sara Lobo Brites.

Governante ne’e mos hateten liutan katak, servisu Autoridade Aduaneira iha inter-ligasaun ho instituisaun estadu sira seluk hanesan Ministériu Estadu e Prezidente da Konsellu Ministru, Ministériu Obras Públika, Ministériu Justisa, Ministériu Saúde, Ministériu Reforma Legislativa, Ministériu Agrikultura, Ministériu Transporte no Komunikasaun inklui Ministériu Solidaridade Sosial.