• Komisaun Reforma Fiskál partisipa iha expo “Governu nia Reforma”

Home » Announcements » Komisaun Reforma Fiskál partisipa iha expo “Governu nia Reforma” Print Page

Komisaun Reforma Fiskál partisipa iha expo “Governu nia Reforma”

foto

Komisaun Reforma Fiskál ne’ebé tutela ba Ministériu Finansas partisipa iha expozisaun Governu nia Reforma hamutuk ho Ministro de Estado, Coordenador dos Assuntos da Administração do Estado e da Justiça e Ministro da Adminstração Estatal, Secretária de Estado do Fortalecimento Institucional (SEFI), Comissão da Função Pública (KFP) no Instituto Nacional da Administração Pública (INAP).

Expozisaun ne’ebé organiza husi Gabinete Primeiru Ministru no hala’o iha Salaun Ministériu Solidariedade Sosiál iha 05 Juñu 2017 ne’e, hatudu polítika, guia, no rezultadu husi reforma hat ne’ebé mak agora daudaun halo hela, mak hanesan reforma administrasaun públika, reforma fiskál, reforma lejislativa no reforma ekonómika.

Primeiru Ministru, Sr. Rui Maria de Araújo hateten katak, wainhira Timor-Leste hakarak dezenvolvimentu ne’ebe sustentavel lao ho diak iha Timor-Leste tenki tuir dalan reforma.
Atu hatene informasaun liu tan husi Primeiru Ministru konaba expozisaun ne’e, klik:
http://timor-leste.gov.tl/?p=18156&n=1

“Refoma fiskál hanesan meius estadu nian atu aumenta reseita doméstika ba ita nia estadu, hodi nune’e bele reduz ita nia dependensia ba reseitas mina rai, nune’e mós atu haree kona-ba oinsa mak bele hametin efisensia no efikasia iha despezas públika. Tanba ne’e agora daudaun Komisaun Reforma Fiskál konsentra ba oinsá atu hadi’a kapasidade administrasaun Tributaria no Álfandega nian hodi nune’e sira iha kapasidade liutan atu koleta reseitas ho di’ak, tenik Vice Ministru Finansas, Sr. Helder Lopes.

Vice Ministru hatutan, husi rezultadu Reforma Fiskál iha tinan 2016 iha reseitas domestika ne’ebé ita kolekta ona ho totál osan ne’ebé iha bele selu ba salariu no vensimentu ano fiskál 2016. Tanba ne’e mak, ita bele hateten katak ne’e hanesan rezultadu ida husi Reforma Fiskál ne’ebé agora daudaun Governo halo. Espera ba oin ne’e ita nia alvu ka tarjetu reforma ano fiskál iha seitór domestika la’os sufisiente atu selu de’it salariu vensimentu maibe despezas rekorente sira hotu inklui despezas kapitál dezenvolviementu hakarak finansia liu husi osan ne’ebé ita kolekta husi Impostu, Álfandegas no seitór sira seluk ne’ebé iha.

Expozisaun ne’e lao ho susesu no hetan partisipasaun husi funsiunariu instituisaun governu no estadu sira, sosiedade sivil, duadores no media jornal no elektrónika iha Timor-Leste.