• Komunikadu Imprensa

Home » Announcements » Komunikadu Imprensa Print Page

Komunikadu Imprensa

Ohin loron 21 de janeiro 2021, Ministériu Finansas hamutuk ho Autóridade RAEOA halao serimonia importante rua:

Primeiro assinatura protocolo de intendimentu entre Ministerio Finansas ho Autoridade RAEOA sobre transferência de Verba ho montante milhaun 29,243 dolar amerikanu, ne’ebé sei halo transferência trimestralmente ho montante milhaun 7,310.75 dolar amerikanu.

Transferência de Verba ida ne’e nudar apoio hosi Governu Sentral hodi finansia despezas Autoridade RAEOA no ZEESM ba tinan 2021 ne’ebe Parlamento Nasional aprova ona ho montante total $127.000 milhoens. Detailu fontes financiamento mai husi :
1. Governo Sentral $29.243 milhoes
2. Saldo Jerensia iha RAEOA nia konta rasik hosi tinan anteriores $97.757 milhoens.

Segundo, maka marku importante ida ba seremonia lançamentu ba utilizasaun Sistema Integradu Informasaun Jestaun Financeira (ne’ebé ho naran goverment recurse planning-GRP, hosi Autoridade RAEOA.

Ho lansamentu ida ne’e maka Autoridade RAEOA sei hahu ezekuta sira nia orsamentu liu hosi sistema ne’ebe Governu Sentral utiliza hodi bele promove liu tan transparensia no hatan duni ba ejijensia hosi Orgaun Fiskalizador sira hanesan Parlamentu Nasional no Kamara de Kontas hodi halo akompanhamentu ba Ezekusaun Orsamental iha Administrasaun publiku.
Wainhira utiliza sistema ne’e maka Autoridade RAEOA sei benefisia hosi Module sira hanesan tuir mai ne’e :
• Module Finansas (finance module),
• Module Aprovisionamento (procurement module),
• Module Jestaun Kontratu (contract management module),
• Jestaun Tesouro Pagamentu, Contabilidade, no Relatoriu Finanseira (treasury management), Module Orsamentu (budgeting module),
• Module Orsamento (Performance Budgeting Module).
• Module ba rejistru Patrimonio (Asset Module)
• E-Services (Autoridade Tributaria)
• ASYCUDA (Autoridade Aduaneira)

Benefisiu importante husi serimonia ohin loron nia maka, hahu ohin ba oin públiku tomak bele ona akompanha Ezekusaun ba Orsamentu Autoridade RAEOA liu husi sistema GRP nomós Portal Transparensia (budget transparency portal) iha tempu real.

Ba dala ikus serimonia ohin hanesan pasu importante ida entre MF no Autoridade RAEOA hodi kontribui ba implementasaun polítika Governu Timor-Leste iha ambitu reforma Fiskal no Jestaun Finansas Públikas nomós promove transparénsia na responsabilidade ne’ebé diak liutan.