• KOMUNIKADU IMPRENSA – DOT Fulan Marsu 2018.

Home » Anúncios » KOMUNIKADU IMPRENSA – DOT Fulan Marsu 2018. Imprimir a página

KOMUNIKADU IMPRENSA – DOT Fulan Marsu 2018.

IMG_0623

MINISTÉRIU PLANU NO FINANSAS HAHU DISTRIBUI DOTASAUN ORSAMENTAIS TEMPORARIAS (DOT) FULAN MARSU 2018.

Ohin-Dili, 01 Marsu 2018, Ministériu Planu no Finansas (MPF) liuhosi Diresaun Jerál Finansas Estadu hahu distribui utilizasaun Dotasaun Orsamentais Temporarias (DOT) fulan Marsu 2018 nian ba liña ministerial, instituisaun estadu no Agensias Autonoma sira bazeia ba artigu 31 husi Lei No. 13/2009 hodi bele implementa ho rigor no transparénsia.

Iha fulan Marsu ne’e total orsamentu ba Dotasaun Orsamental Temporaria (DOT) sa’e oituan pursentu 2 husi total orsamentu hamutuk $104.6 miloens kompara ho Dotasaun Orsamental Temporaria (DOT) fulan Fevereiro 2018. Kresimentu ne’e relasiona ho kontinuasaun prevé despezas ba aktividades eleisaun ne’ebé através prosesu aprovizionamentu, Servisu Legais no Eis Titulares, inklui aumentu ba kustus ba RAEOA-ZEESM, CPLP, Infraestruturas Rural, pagamentu quotas no re-pagamentu empréstimo.

Informa mós katak durante ne’e alokasaun DOT husi periodu Janeiru to’o Marsu seidauk liu Tetu DOT, maske iha kresimentu husi periodu ida ba periodu seluk, maibé nafatin kumpri ba desizaun Konselhu Ministru katak kalkulasaun Dotasaun Orsamental Temporaria (DOT) limita deit ba kategoria ha’at mak hanesan saláriu no vensimentu, bens no servisu, capital dezenvolvimentu no transférensia públika.

Ministériu Planu no Finansas (MPF) louva ezekusaun Dotasaun Orsamental Temporaria (DOT) durante periodu rua liu ba lao ho dixiplina no transparénsia. Wainhira kompara entre periodu rua ne’e, nota katak iha fulan Fevereiru hatudu desempeñu diak liu duke fulan Janeiru. Hein katak iha implementasaun DOT tuir mai bele mantein no hatudu desempeñu diak liu periodu rua ne’ebé liu ona.

Ho nune’e husu nafatin atu liña ministerial, instituisaun estadu no Ajensia Autonoma sira presiza kumpri nafatin prinsípiu sira ne’ebé hatu’ur ona ba implementasaun DOT mak hanesan: dotasaun orsamental kobre deit despeza ida durante periodu la liu fulan ida no dotasaun orsamental labele liu um doze avos (1/12) husi orsamental ne’ebé defini tiha ona tuir lei Orsamental Jerál Estadu No 13/2016 ne’ebé mak tama EM VIGOR, haktuir husi artigu 31 husi Lei Orsamentu no Jestaun Finanseira No.13/2009.

Atu hare detallu konaba DOT Janeiru no Fevereiru 2018, bele hare iha link tuir mai ne’e:
Regime Duodecimal Dotasoens Orsamentais Temporaria Periodu Janeiru 2018
Regime Duodecimal Dotasoens Orsamentais Temporaria Periodu Fevereiru 2018

Ba informasaun liu tan, favor bele konfirma ho Diresaun Jeral Finansas Estadu liuhosi Diresaun Nasionál Orsamentu, Ministériu Planu no Finansas.

Remata.