• Komunikadu Imprensa Konjunta

Home » Anúncios » Komunikadu Imprensa Konjunta Imprimir a página

Komunikadu Imprensa Konjunta

Ministériu Finansas no Ministériu Negósius Estranjeirus no Kooperasaun halo ona transferénsia pagamentu Rendas no Kustu Operasionál ho totál US$ 1.988.500

Dili, Timor-Leste – iha sesta-feira, 19 marsu 2021, Ministériu Finansas (MF) no Ministériu Negosius Estranjeirus no Kooperasaun (MNEK) halo ona transferénsia pagamentu ba Rendas tinan-2021 ba Embaixada no Konsuladu sira iha rai-liur hamutuk rua-nulu (20).

Aleinde ne’e, MF no MNEK mós halo ona transferénsia pagamentu Kustu Operasionál períodu Janeiru 2021 to’o Juñu 2021 ba Embaixada no Konsuladu sira iha rai-liur hamutuk lima (5).

Totál transferénsia pagamentu ba Rendas no Kustu Operasionál hamutuk US$ 1.988.500

Transferénsia pagamentu Rendas tinan-2021 hamutuk 20 nia detalla mak hanesan tuir-mai ne’e: Konsuladu Sídnei, Konsuladu Darwin, Konsuladu Atambua (Indonézia), Brunei Darussalam, Kamboja, Kuba (Havana), Mosambike (Maputu), Filipinas (Manila), Koreia Súl (Seoul), Xina (Beijing), Vatikanu, Estadu Unidos Amérika (Washington DC), Laos, Reinu Unido (Londres), CPLP, Bruxelas, Malázia, Birmánia, Novazelándia no Tókiu, Japaun.

MNEK mós hetan ona konfirmasaun eskrita no liuhusi telefone katak Konsuladu Jerál Timor-Leste iha Sídnei, simu ona transferénsia pagamentu Rendas tinan-2021. Hafoin MNEK halo identifikasaun, nota katak iha alterasaun ba diresaun benefisiáriu no númeru IBAN ne’ebé presiza ajusta iha sistema atu bele fasilita transferénsia. Alterasaun ne’e, MNEK simu husi Konsuladu Sídnei iha meadu fulan-janeiru no 25-fevereiru respetivamente.

Transferénsia pagamentu ba Kustu Operasionál hamutuk 5 nia detalla hanesan tuir-mai ne’e: Nova Iorke, Bruxelas, Bangkok (Tailándia), Vietname no Jenebra.

Transferénsia Pagamentu Rendas Embaixada Timor-Leste iha Brazíl ba tinan-2021 no Kustu Operasionál Embaixada Timor-Leste iha Vatikanu ba períodu Janeiru 2021 to Juñu 2021, MNEK submete ona mai iha MF no sei prosesa iha semana ida-ne’e nia laran.

Aleinde ne’e, Kustu Operasionál tinan-2020 ba Konsuladu Timor-Leste iha Sídnei ne’ebé mak sei pendente hela, MNEK no MF sei realiza nia transferénsia pagamentu iha tempu badak nia laran.

-Ramata-