• Komunikadu Imprensa: Kontratu Asesór Nasionál no Internasionál iha Ministériu Planu no Finansas

Home » Announcements » Komunikadu Imprensa: Kontratu Asesór Nasionál no Internasionál iha Ministériu Planu no Finansas Print Page

Komunikadu Imprensa: Kontratu Asesór Nasionál no Internasionál iha Ministériu Planu no Finansas

Dili, 21 Dezembru 2017

Relasiona ho publikasaun iha media sosial konaba kontratasaun asesór nasionál no internasionál ba Gabinete Ministru no Vise-Ministra Planu no Finansas nian, hakarak esklarese ba públiku hanesan tuir mai:

1. Ministériu Planu no Finansas kontrata asesór hamutuk nain nen (6), nain hat Timoroan no nain rua ema internsionál, atu serbisu iha Gabinete Ministru no Vise-Ministra Planu no Finansas nian.

2. Tuir Rejime Jurídiku Gabinete Ministerial, Ministru no Vise-Ministra Planu no Finansas iha liberdade atu hili ema se deit bazeia ba méritu no konfiansa pesoal, atu fó prestasaun servisu liu husi kontratu termu sertu ho modalidade ajuste diretu.

3. Asesor sira ne’ebe halo serbisu iha Gabinete Ministru no Vise-Ministra Planu no Finansas, inklui iha area jurídika, polítiku no tékniku espesializadu liga ho Fundu Minarai no investimentu, jestaun finansas públikas, impostu ka reseitas no kontabilidade públika.

4. Lei fó dalan no determina numeru asesór ba Gabinete Ministru no Vise-Ministra nian. Tanba kestaun efisiensia, maka deside atu mantein numeru ida kiik.

5. Asesór sira ne’e selu ho orsamentu doadór ne’ebe parseria diretamente ho Ministériu Planu no Finansas iha âmbito fortalesimentu ba Jestaun no Supervisaun ba Finansas Publikas.

Ba informasaun detalladu nian, favor kontaktu ekipa GKI Ministériu Planu no Finansas ( Edifísiu Torre Ministériu Planu no Finansas, Andar 9 no 10,
Aitarak Laran, Díli, Timor-Leste).