• KOMUNIKADU IMPRENSA

Home » Announcements » KOMUNIKADU IMPRENSA Print Page

KOMUNIKADU IMPRENSA

“Apreensaun Merkadorias iha Portu Dili husi Orgaun Polisiais Kriminal”

Konsidera ba loron ida horisehik ne’e, Orgaun Komunikasaun Sosial sira halo divulgasaun hodi hateten katak, Autoridades Polisia sira halao iha Portu Dili, apreensaun ba Kontentor sia tamba suspeita konten substânsias proibidus sira.

Konsidera katak Ministériu Planu no Finansas mak iha nia kompetênsia no âmbitu hodi tutela ba Autoridade Aduaneira, nebé mak exerse nia kompetênsias legalmente mak estabelese iha matéria ida ne’e, liliu ba ida nebé refere ba kontrola tama no sai merkadorias, ema no meius transporte iha territóriu Aduaneira Timor-Leste.

    Relasiona ho alarme sosial iha notísias hirak ne’e, bele provoka populasaun, importante refere ba:
  • Kontentores nebé iha kestaun ne’e to’o iha Timor-Leste iha segundu semestre tinan 2017, nebé Importador prosesa ona iha Autoridade Aduaneira hodi halo nia Deklarasaun Aduaneira, ho nia dokumentus komprovativus sira seluk, hodi solisita ba regime introdusaun iha konsumu ba merkadoria, nebé deklara hanesan substânsias (bahan baku) hodi halo aimoruk no nia kumpri hotu prosedimentus legais sira;
  • Halo tiha analise ba dokumentus ne’e hotu no haré katak nia kumpri rekesitus hotu tiur lei, Importador halao nia pagamentu ba taxa no impozisaun sira seluk tuir regras nebé estabelese iha lei aduaneira no tributária.
  • Tuir fali mai, iha tinan ida ne’e Importador entrega ba Autoridade Aduaneira deklarasaun exportasaun ida no solisita atu halo exportasaun merkadorias refere ba Repúblika Indonésia.
  • Halo tiha analise ba dokumentus ne’e, Autoridade Aduaneira kontaktu entidades nasionais sira nebé iha kompetênsia hodi bele klarifika ba faktus ne’e, sekarik nesesita autorizasaun espesial ruma.
  • Bainhira koalia kona ba exportasaun ida, tuir lei, merkadorias hirak ne’e iha fiskalizasaun alfândegas nian, kabe ba Autoridade Aduaneira deside, iha âmbitu ba nia kompetênsia, halo inspesaun ida ba merkadorias refere no sasan nain tenki iha oin, tuir saida mak hakerek iha lei no mos hasai nia sampel hodi halo análise ba kontrola substânsia psikotrópikas, no hatudu katak teste sira hotu ho ninia resultadu negativu.
  • Nune’e, ita atua iha âmbitu lei nian no pratikas internasionais nebé diak, Autoridade Aduaneira, iha sirkunstânsias nebé deit, hodi hatudu katak laiha indikasaun evidênsia ruma ba prátika kualker krime ou kontraordenasaun.