• Konsellu Ministru Aprova DOT Fulan Outobru Nian

Home » Announcements » Konsellu Ministru Aprova DOT Fulan Outobru Nian Print Page

Konsellu Ministru Aprova DOT Fulan Outobru Nian

Loron 30 fulan-Setembru tinan 2020- Governu liuhusi Reuniaun Konsellu Ministru aprova ona projetu deliberasaun ne’ebé aprezenta husi Vise-Ministra Finansas, Sara Lobo Brites, kona-ba tetu finál Dotasaun Orsamentál Temporária (DOT) ba fulan-Outobru tinan 2020 ne’ebé ho nia valór fiksa ona ho montante dólar amerikanu millaun 117,1 (inklui pagamentu ba imprestimu sira)”. Konsellu Minsitru mós aprova projetu deliberasaun, ne’ebé aprezenta husi Vise-Ministra Finansas Sara Lobo Brites, kona-ba aprovasaun preliminar ba tetu agregadu no dezagregadu ba Orsamentu Jerál Estadu tinan 2021, ho montante totál, refere ba tetu agregadu dólar amerikanu billaun 1,895, tuir akordu konsiliasaun rezultadu husi analize ba submisaun orsamentais setoriais sira ne’ebé mak finaliza horseik husi Komité Revizaun Polítiku (KROP), hodi fó dalan ba Ministériu Finansas atu bele prepara Orsamentu Jerál Estadu tinan 2021. Tetu final sei aprova iha Reuniaun Konsellu Ministru tuir mai, no sei entrega ba Parlamentu Nasional iha loron 15 fulan-Outubru. Reunião do Conselho de Ministros de 30 de setembro 2020 .

REMATA.