• Konsellu Ministru Aprova Ona OJE 2021 Iha Faze Prelimináriu

Home » Anúnsiu » Konsellu Ministru Aprova Ona OJE 2021 Iha Faze Prelimináriu Imprime pájina

Konsellu Ministru Aprova Ona OJE 2021 Iha Faze Prelimináriu

Iha loron 2 fulan-Setembru tinan 2020, Vise-Ministra Finansas Sara Lobo Brites hala’o aprezentasaun iha Konsellu Ministru kona-ba tetu finál ba dotasaun orsamentál temporária ba fulan-setembru tinan 2020 nian, ho ninia valór ne’ebé fixa ona ho osan dolar amerikanu millaun 119,6 (ne’ebé inklui ho pagamentu ba empréstimu sira).

Governu mós aprova ona Projetu Deliberasaun, ne’ebé mak aprezenta mós husi Vise-Ministra Finansas, kona-ba tetu agregadu no dezagregadu ba Orsamentu Jerál Estadu ba tinan 2021 nian, ho montante ba tetu agregadu hamutuk dolar amerikanu billaun 1,6 hodi kobre nesesidade programa no prioridade nasionál sira ne’ebé defini husi VIII Governu Konstitusionál, haree liu ba nível dezenvolvimentu kapitál sosiál, dezenvolvimentu ekonómiku, aliñadu ho medida sira ne’ebé integra iha Planu Rekuperasaun Ekonómika, ba dezenvolvimentu infraestrutura bázika fundamentál sira, dezenvolvimentu ambientál, dezenvolvimentu institusionál no ba prosesu reforma institusionál ne’ebé la’o hela.

(Sorumutuk Konsellu Ministrus nian iha loron 2 fulan-setembru tinan 2020 ). Remata