• Konsellu Ministru Aprova Proposta Orsamentu Jeral Estadu Tinan 2020

Home » Anúnsiu » Konsellu Ministru Aprova Proposta Orsamentu Jeral Estadu Tinan 2020 Imprime pájina

Konsellu Ministru Aprova Proposta Orsamentu Jeral Estadu Tinan 2020

20191002_Konsellu Ministru Aprova Proposta Orsamentu Jeral Estadu Tinan 2020

Reuniaun Konsellu Ministru loron 2 Outubru 2019 iha Palasiu Governu, aprova ona proposta Orsamentu Jerál Estadu (OJE) tinan 2020 ho montante 1.95 biliaun. Total OJE 2020 ne’ebe hetan ona aprovasaun hosi Konsellu Ministru fahe ba kategoria hanesan Saláriu Vensimentus 241,271 miloins, Bens Servisus 738,428 miloins, Transferénsia Publikas 457,773 miloins, Kapital Minor 53,267 miloins no Kapital Dezenvolvimentu 459,260 miloins.

“Bainhira ita hasai tiha 73 miloins ba imprestimu hosi total 1. 95 biliaun, orsamentu jerál estadu hela deit ona 1.877 biliaun hodi kobre programa prioridade nasional ne’ebe defini hosi VIII Governu Konstitusional”, hateten Ministra Finansas Interina no atual Vise Ministra Finansas Sara Lobo Brites depois reuniaun Konsellu Ministru

OJE tinan 2020 sei utiliza hodi dezenvolve área Petroliféras hanesan dezenvolve infra-estrutura inklui sosa Ro patroliamentu ba fronteira marítima. Iha parte seluk Governu mos sei investe ba Timor GAP liga ba atividade esplorasaun minarai nian. Iha kapital sosial, Governu sei kuntinua fo prioridades ba iha setór Sáude, Edukasaun, Agrikultura no Infra-estruturas.