• Konsellu Ministru Aprova Rezime Duodesimal Fulan Janeiru

Home » Anúnsiu » Konsellu Ministru Aprova Rezime Duodesimal Fulan Janeiru Imprime pájina

Konsellu Ministru Aprova Rezime Duodesimal Fulan Janeiru

20190109_Konsellu Ministru Aprova

Ohin, 9 Janeiru 2019 iha sorumutu Konsellu Ministru dahuluk tinan 2019 ne’ebé halao iha Palacio do Governo, VIII Governu Konstitusional Aprova Ona aplikasaun Rezime Duodesimál, wainhira orsamentu jerál estadu latama vigor iha inisiu tinan fiskal nian.

Ministra Finansas Interina no Vise Ministra Finansas, Sara Lobo Brites esplika kona-ba ezekusaun orsamentál rezime duodecimal bazeia ba Lei nº 13/2009, 21 Outobru ne’ebé maka altera ho Lei nº 4/2013/III 7 Agostu kona-ba Orsamentu no Jestaun Finanseiru (doravante LOGF) ne’ebé maka prevé mós iha artigo 31º, se-kazu Orsamentu Jerál Estadu la tama vigor iha inisiu tinan finanseiru nian ne’ebé maka akontese hela, aplika rezime duodesimál ho modo atu premiti atividade normál estadu nian.