• Lansamentu Kontas Estatistikas.

Home » Announcements » Lansamentu Kontas Estatistikas. Print Page

Lansamentu Kontas Estatistikas.

DGE Hala’o Lansamentu Kontas Nasionais Ho Peskiza Emprezarial 2016

Diresaun Jerál Estatístika (DGE) hala’o lansamentu ba kontas nasionais ho peskiza emprezarial 2016 ho nia objetivu halo publikasaun relatoriu ba Peskiza aktividade Emprezarial ou Business Activity Survey (BAS). Lia hirak ne’e informa husi Diretór Jerál Estatístika, Elias dos Santos Ferreira nu’udar mós Representante Ministru Planu no Finansas iha nia diskursu ba seremonia lansamentu kontas nasionais ho peskiza emprezarial 2016.

Diretór Jerál ne’e informa tan, rezultadu kontas nasionais tinan 2016, taxa de kresimentu laos minarai sa’e ba 5.3% kompara ho taxa kresimentu tinan 2015 ne’ebé provolta 4%, ne’e hatudu katak iha tinan 2016 roda ekonómia iha progresu diak ne’ebé kontribui maka’as mai husi seitór públiku no ajuda husi seitór privadu.

“Atu sukat gastus ba Gross Domestic Product (GDP) ita sei hare katak seitór públiku maka kondus ekonómia ne’e gastus públiku sa’e ba 6.3% iha 2016, konsumu públiku tun 0.5% no investimentu públiku sa’e 19.3% maibé, iha parte seluk seitór privadu maka sai hanesan segundu máis determinante ba GDP iha nasaun ne’e no seitór privadu tinan 2016 sa’e ba 6.2% mai husi (konsumu privadu 6%, investimentu privadu 7.3%),” haktuir Diretór Jerál Estatístika.

Nia esplika tan, rezultadu peskiza emprezarial sai hanesan fontes informasaun vital ida ba dezenvolvimentu no monotorizasaun polítika ekonómia sira nian tanba dadus sira ne’e bele ajuda governu hodi identifika no resolve kestaun polítika sira ne’ebé mak relasionadu ho desempeñu emprezarial ka relasiona ho evolusaun seitór espesífiku iha ekonómia.

Iha fatin hanesan Diretór Nasional de Estatístika Ekonómia e Sosial, Cristino Gusmão hatutan tan, sampel Aktividade Peskiza Emprezarial (BAS) tinan 2016 hamutuk 2,902 emprezas no emprezas kompaña bo’ot hamutuk 300 ne’ebé hela barak liu iha Dili. Empreza ki’ik iha Dili total 1,808 no 704 empreza ne’ebé namkari iha 11 munisípiu no Regiaun Autónomo Espesial Oecusse-Ambeno (RAEOA).

Aktividade lansamentu ne’e hetan partisipasaun másimu husi Diretores Jerais liña Ministérius, Reprezentante Banco Central Timor-Leste, Prezidenti Cámara Comérçio Industria (CCI), Diretores Kompaña sira, Ajensia Nasoens Unidas, Sociedade Sivíl no reprezentante Dekanu Fakuldade husi Universidade Dili.