• Palestra husi dekanu Kishore Mahbubani iha sentru konvensaun Dili, Timor-Leste, 6 Fevereiru 2015

Home » Anúnsiu » Palestra husi dekanu Kishore Mahbubani iha sentru konvensaun Dili, Timor-Leste, 6 Fevereiru 2015 Imprime pájina

Palestra husi dekanu Kishore Mahbubani iha sentru konvensaun Dili, Timor-Leste, 6 Fevereiru 2015

Exselénsia,

Señoras no Señores,

Realmente prazer boot ida mai hau finalmente vizita Timor-Leste. Kuandu hau hanesan Prezidente Konsellu Seguransa  Nasoens Unidas (UNCS) kuandu Timor-Leste sai independente iha 20 Maiu  2002, hau sempre sente ligasaun espesiál ho Timor-Leste. Tanba ne’e mak hau haksolok tebes bainhira Sra Noeleen Heyzer, asesór espesiál Sekretáriu-Jerál ONU ba  Timor-Leste, organiza vizita espesiál no sentimentál mai Timor-Leste

Iha 26  Abril 2002, kuandu Xanana Gusmão ho  Mari Alkatiri mai vizita UNCS, ami iha debate ida  iha Konsellu Seguransa kona-ba futuru Timor-Leste. Hau dehan: ‘Lisaun husi istória dékada liubá ne’e relativamente klaru mak independénsia,  mesmu mai husi luta maka’as, bele sai nafatin vitória ida ne’ebé relativamente fásil. Susesu depoisde independénsia, infelizmente, relativamente raru. Desde Timor-Leste sai independente iha sirkunstánsia ne’ebé difísil tebes hanesan rai ne’ebé terus husi konflitu, notável  dalan naruk mai. Sei iha dalan naruk atu perkorre.

Istória husi períodu pós-kolonial hatudu katak nasaun balun ne’ebé foin-independente hetan susesu. Tan ne’e, bele haree oinsá Singapura konsege alkansa. Hau iha tinan 17 kuandu Singapura sai independente iha 1965. Iha susar no desgrasa total kuandu Singapura hetan espulsu husi Malásia. Iha momentu independénsia, Singapura sei kiak no luta hela. GDP per kapita US $ 500 – hanesan ho Ghana. Hau rasik sente apertadu husi mukit. Hau iha hela kondisaun ho nutrisaun ladi’ak hanesan ho labarik ida ne’ebé iha eskola elementar, hau kolokadu iha programa espesiál alimentasaun nian. Singapura mós luta hela iha aspetu sira-seluk. Iha  dezorden étniku iha estrada laran. Hau sei hanoin hetan haree ema oho malu ho botir no serveja iha hau nia uma oin. Perante istória kotuk ida ne’e, susesu mak oras ne’e iha Singapura ne’e inkrivel tebes

Ohin, Singapura iha IDHs  ne’ebé aas liu iha mundu – 90 iha mundu, ho pontuasaun 0,901. Singapura iha 4º -PIB per capita aas liu iha mundu ho  $76237 (iha termusde PPC), kuaze dobru husi ninia antigu señor  kolonial, Reinu Unidu dolar ($37.017). Liu ida iha kada familia neen iha  poupansa  $1 millaun. Iha dekade ida ikus ne’e, númeru ema Singapura sira  ne’ebé hala’o sira nia negósiu rasik dobra.  EUA mak hanesan nasaun úniku iha mundu ho emprezáriu-perkapita barak liu. Singapura konsistentemente klasifikadu  hanesan sidade ida ne’ebé di’ak liu iha mundu atu hela ba. Ema hotu iha mundu mai iha ami nia sidade-estadu kiik ne’e – atraídu ho ami nia estadu-edukasaun arte nian no sistema saúde. Ami mós konsistentemente klasifikadu hanesan nasaun ida ne’ebé seguru liu iha mundu

Razaun 10 ba Singapura nia susesu

Pergunta boot mak oinsá no tanbasá maka Singapura hetan susesu? Infelizmente, ami seidauk iha livru istória di’ak ida kona-ba Singapura. Laiha konsensu ida. Iha hau nia esforsu hodi kompriende tanbasá Singapura hetan susesu, hau hetan razaun 10.. Hau kompartilla razaun 10 ne’e ho imi ho esperansa katak sei sai útil ba Timor-Leste iha tinan 50 mai. Hau fiar katak Timor-Leste bele hetan sai prósperu hanesan Singapura. Tanba da ne’e mak hau hakarak kompartilla  razaun ba Singapura nia susesu

Razaun dahuluk mak katak Singapura hetan sorte. Pur asidente ka destinu, Singapura hanesan mós Estadus Unidus, hetan bensaun ho aman fundadór di’ak, hanesan Lee Kuan Yew, S. Rajaratnam no Goh Keng Swee. Sira mesan ema nain tolu ne’ebé maravillozu. Hau servisu ho sira nain tolu hotu. Sira ne’e intelektualmente brillante. Sira totalmente dedikadu hodi hadi’ak ema Singapura sira nia moris. Sira mós hanesan alunus ne’ebé ho susesu. Hanesan ezemplu, Goh Keng Swee aprende ho reformador  Meiji iha Japaun. Nune’e, sira formula politika ne’ebé fo benefisiu ba ema Singapura oan sira. Timor-Leste mós hetan bensaun hanesan  Singapura. Nia mós hetan bensaun ho aman di’ak fundadór sira, hanesan Xanana Gusmão, Mari Alkatiri, no José Ramos Horta. Timor-Leste iha buat komún ida  ho Singapura. Ho lideransa ne’ebé loos iha fatin, nasaun bele hetan susesu.

Razaun  daruak tanbasa mak Singapura hetan susesu ne’e tanba implementasaun meritokrasia husi líder fundadór sira. Sira hili ema di’ak seluk hodi lori nasaun ba meritokrasia ne’ebé estabelese hanesan  fatuk  angular  ba nomeasaun  servisu públiku. Nu’udar Lee Kuan Yew rasik dehan, “ Lideransa polítika ne’ebé forte presiza servisu sivil ne’ebé onestu, neutral no efisiente.

Ofisial sira tenke rekrutadu no promovidu kompletamente tuir méritu. Sira tenke kompartilla filozofia  konstrusaun nasaun no objetivu dezenvolvimentu  líder polítiku sira. Sira tenke hetan pagamentu ne’ebé adekuadu atu nune’e tentasaun sira difísil atu reziste. Komisaun Servisu Públiku ida ne’ebé imparsial tenke sai agaz hodi avalia karakter. Nomeasaun, prémiu ba bolsa tenke halo ba sira ne’ebé sai kandidatu di’ak liu.” Ne’e hanesan buat ida ne’ebé Timor-Leste bele halo mós. Meritokrasia garante katak talentu sira ne’ebé diak liu  iha país laran atraídu ba públiku no mós serve hodi kria sosiedade ida ne’ebé justu.

Razaun datoluk tansa Singapura hetan susesu maka perspetiva pragmátika husi ninia lider sira kuantu sira nia vontade atu aprende husi rai seluk. Hanesan doutór Goh Keng Swee dehan ba hau, “Kishore, la importa problema saida mak ita enfrenta, ema ruma, iha fatin ruma hetan ona solusaun. Mai ita buka solusaun no adapta intelijentemente ba Singapura.”  Singapura hanesan paíz pragmátiku liu iha mundu ne’ebé kopia solusaun husi nasaun seluk. Ne’e mós tanba Dr Goh estuda didi’ak Restaurasaun iha Meiji. Japaun konsege sai nasaun aziátiku dahuluk ne’ebé atu moderniza tanba reformadór Meiji joven sira  iha tempu ne’eba la hezita atu estuda, kópia no adapta pratika di’ak iha Japaun husi mundu tomak. Dr Goh tenta atu inkuti espíritu ne’ebé hanesan aprende pragmátiku iha Singapura. Duvida uitoan atu nia konsege objetivu ne’e. Ne’e buat ida maka Timor-Leste bele halo mós. Loloos, programa eskola Lee Kuan Yew programa Graduasaun no Edukasaun Ezekutiva  dedikadu atu disemina  prátika di’ak husi Singapura hodi dezenvolve sidade iha mundu tomak. Hau nia benvidu ba funsionáriu públiku husi Timor-Leste atu atende ami nia programa no aprende barak kona-ba adapta pratika di’ak hodi atende nesesidade Timor-Leste

Dahaat, nu’udar nasaun kiik ida, Singapura mós sai pragmátiku iha ninia polítika esterna. Porezemplu, durante “Guerra Fria”, Singapura sai belun ho Estadus Unidus – maibe la halai husi Uniaun Soviétika. Kuandu hau vizita Uniaun Soviétika ih  1976 ho Señor S. RAJARATNAM, lendáriu Ministru  Negósiu Estranjeiru Singapura, nia dehan katak ró soviétiku sira mós bele tama iha tasi Singapura. Estadu kiikoan hanesan Singapura no  Timor-Leste  labele permite halo inimigu. Hanesan S. Rajaratnam dehan iha ninia diskursu tinan 1965 iha Sede Nasoens Unidas kona-ba politika esterna Singapura nian, ‘Ami hakarak moris iha dame ho ami nia viziñu sira hotu, simplesmente tanba ita iha buat barak maka lakon bainhira funu hela ho sira. Portantu buat hotu mak ami husu, mak atu husik hela ami mesak remodela no harii ami nia nasaun tuir dalan ne’ebé maka povu hakarak. Ami laiha intensaun ruma atu interfere iha asuntu rai seluk nian ka dehan oinsa sira ordena sira nia vida. Nu’udar troka, ami husu ba nasaun seluk atu sai simpátiku ho ami mesmu se sira la gosta maneira oinsa ita halo sasán iha ita nia rai rasik. Ida ne’e maka tansá Singapore hili dalan naun-aliñamentu. ‘Pragmatismu iha  polítika  esterna ne’e buat ruma maka Timor-Leste bele halo mós

Razaun dalimak  ba susesu Singapura maka faktu katak líder sira foka ba iha oinsa hahú ho vitória kiik siar. Abordajen inkremental ida ba reforma polítika ne’e akadémiku barak mak akonsella no polítika  públika eskolar sira. Maibé mesmu antesde buat hirak ne’e sai koñesimentu komún, líder Singapura sira rekoñese nesesidade atu halo  melloria kiik sira ne’e, hodi bele alkansa mudansa ne’ebé boot. Lee Chiong Giam dehan dala ida katak iha loron dahuluk, se sira konsege hetan deit kanu permanente ida iha aldeia hodi fornese bé, partidu ne’ebé ukun sei hetan votu husi ema iha aldeia. Ida ne’e ikusmai, lori ba provizaun abitasaun públika no eskola. Dezenvolvimentu labele alkansa atravezde reforma radikal boot mesak de’it. Pasu kiik mak iha impaktu boot ba ema nia vida lorloron nian no presiza hodi garante katak progresu akontese iha forma ne’ebé signifikativu. Ida ne’e buat ruma ne’ebé Timor-Leste bele halo mós.

Daneen, Singapura la depende ba ajuda husi liur hodi  atinji meta dezenvolvimentu. Nu’udar hau hatete iha hau nia livru The Great Convergence (Konverjensia Boot), “Hau fiar katak estudu ho objetivu eskala boot halo husi Ajuda Esterna husi Osidente, sei hatudu katak intensaun prinsipal mak atu reforsa interese nasional doador sira nian no la ajuda interese destinatáriu.” nian.  Aleinde ne’e, parte boot ida (besik 80%) husi ajuda osidental sei fila ba nasaun doadór  iha forma hanesan despeza ba administrasaun, kustu konsultória no kontratu ba empreza país doador nian. Hanesan rezultadu transferensia efetiva ajuda ba país dezenvolvimentu uitoan liu. Singapore sempre deskonfia ajuda esterna. Einvezde ne’e, ami fiar iha komérsiu no investimentu. Ami fiar katak komérsiu, la’os ajuda, hanesan ami nia dalan ba oin. Kuandu ema seluk  husik investimentu, Singapura simu ho di’ak. Kona-ba ne’e, Diresaun Dezenvolvimentu Ekonómiku Singapura partikularmente halo estudu interesante.  Harii EDB iha 1961 hodi kria oportunidade ekonómika no  empregu ba povu Singapura, no ajuda forma futuru ekonómiku Singapura nian. EDB sai hanesan  instrumentu iha susesu Singapura nian, lori iha FDI, no sai hanesan forsa motriz iha transformasaun Singapura nian hanesan sentru finanseiru ne’ebé hela iha vanguarda  servisu indústria barak iha  Azia. Ida ne’e buat ruma ne’ebé  Timor-Leste bele halo mós. Atravézde kriasaun  one-stop ajensia espesiálizada ne’ebé  konsentra iha investimentu diretu estrajeiru, Timor-Leste mós sei sinaliza ba mundu tomak, ne’e signifika bisnis  kuandu ida ne’e mai atrai FDI.

Razaun dahitu ba Singapura nia susesu maka ninia  polítika inkluziva ba grupu étniku. Grupu étniku prinsipal iha Singapura maka Xinés, Malaiu, Indianu no sira-seluk. Entaun ami iha lian ofisial haat: Inglés, Malaiu, Mandarim no Tamil. Ho hanesan ne’e, hotu-hotu sente inkluidu.

Aman fundadór Singapura, S. Rajaratnam, dehan: ‘Iha sosiedade ida ne’ebé multi-rasial, lalais sei aprende katak laiha povu ida mak iha monopóliu ba matenek no ba  kultura rasik  ne’e laiha falla. Ida ne’e jera la’os de’it toleransia ba pontudevista diferente, maibé mós dispozisuan atu aprende no empresta husi matenek ne’ebé akumuladu husi ema seluk ‘. Salienta mós katak, entre estadu kiik lima multi-rasial ne’ebé Britaniku deskoloniza iha mundu tomak (nomeadamente,  Guiana, Chipre, Sri Lanka, Singapura no Fiji), Singapura  mesak mak evita konflitu étniku.

Iha sosiedade multi-rasial ida, se laiha linguajen komún ida, ema labele komunika. Tan ida ne’e maka lian instrusaun  prinsipal iha  eskola iha Singapura  mak Inglês. Singapore haloo Inglês hanesan nia lian komún, pur razaun pragmátika. Dahuluk, Inglês hanesan lian neutral. Se lian seluk, hanesan mandarim, hili hanesan lian komún,  ema Singapura sira ne’ebé laos-xina sente marjinalizadu. Daruak,  Inglés hanesan lian internasional komérsiu nian. Hatene Inglés, Singapura oan sira bele halo negósiu ho ema iha mundu tomak

Timor-Leste mós bele hadiak literasia Ingles liuhusi ensinu, iha eskola. Bele mos husu ba labarik sira nian inan-aman atu hili se hakarak sira nia oan aprende ingles, português ka tétum. Hau fiar katak sira barak sei husu ba Ingles, atu nune’e sira nia oan bele servisu ho ema husi mundu tomak. Maibé sira sei bele aprende Tetun ka Portugés mós, atu nune’e sira bele mantein nafatin kontaktu ho abut riku-soi kultural no istóriku.

Razaun daualuk ba Singapura nia susesu maka sira  nia lider, hanesan Lee Kuan Yew no Goh Keng Swee, fiar iha hanoin prazu naruk. Hanesan ezemplu, apezarde  Singapura  asina ona akordu ba bé tinan 100 nian ho Malázia, iha 1961, ami hatene katak Malázia bele ameasa ami, tesi tiha abastesimentu bé. Nune’e, ami investe iha meius oinsa atu hetan ami nia fontes bé rasik. Ami harii rezervatoriu, instalasaun desalinizasaun no instalasaun rekuperasaun bé. Iha Marsu 2013, Dr Vivian Balakrishnan, Ministru Meiu Ambiente no Rekursu Idraúliku, dehan: “Sertamente ita sei iha bé independente ona molok remata akordu ikus ho Malazia

Timor-Leste mós bele hanoin ein termusde prazu naruk. Porezemplu, kontráriu ho Singapura, Timor-Leste iha rekursu petróleo no gás barak. Maibé rezerva petróleo no gás sei la  dura bebeik. Timor-Leste entaun bele hanoin agora kona-ba oinsa rezolve problema ne’ebé sei bele enfrenta  kuandu loron ne’e too. Noruega, porezemplu, investe iha  ninia osan petróleo no gás  iha fundu independente boot ida. Apenas 4% husi  saldu fundu nian maka gasta iha projetu públiku. Hau haksolok hatene katak Timor-Leste tuir ezemplu Noruega nian iha área ida ne’e.

Razaun dasiak ba susesu Singapura nian mak evita medida populista. Singapore sempre ba kontra estadu  bem-estar. Eis-Primeiru Ministro Lee Kuan Yew dehan, “haree ba kustu ne’ebé sae  husi sistema  asistensia sosial iha Inglaterra no Suécia, ami deside evita  sistema debilitante ida ne’e. Ami nota iha dekade 1970, katak bainhira governu sira kompromete  responsabilidade primária ba funsaun bázika xefe familia, unidade iha ema enfrakese. Bem-estar prejudika  konfiansa. Ema la presiza servisu ba bem-estar sira nia familia. Esmola sai hanesan modu vida nian ida… Sira sai dependente ba estadu ba sira nia nesesidade bázika.

Estadu bem-estar sosial ne’e karu demais ba rai sira ne’ebé dezenvolve hela. Aleinde ne’e, halo fraku produtividade. Nuentantu, embora Singapura la sai estadu  bem-estar, maibé preokupa maka’as kona-ba bem-estar ba nia povu. Singapura hetan dalan seluk hodi iha garante katak ninia povu sei fornesidu di’ak. Investe iha bem-estar ba nia povu husi edukasaun universál, kualidade kuidadu saúde, asesu ba abitasaun  no transporte públiku. Aleinde ne’e, harii mos Fundu Providente Sentral, fundu ekonómiku obrigatóriu. Singapura oan sira no sira nia empregadór sira automatikamente kontribui osan uitoan  ba fundu ida ne’e kuandu sira simu sira nia saláriu iha kada fulan, no osan maka sira bele uza ba sosa uma, ba despeza médika, no liuliu hanesan fundu ba reforma.

Singapura mós iha sindikatu, maibé sira ne’e pragmátiku. Governu, sindikatu no empregadór sira koopera iha sistema tripartidu, ida ne’ebé, hanesan  señor Lee Kuan Yew dehan, “lori benefisiu ba traballador, governu no empregadór tanba paz industriál kria konfiansa no aumenta investimentu estranjeiru. Bainhira  empregadór halo liu taxa média retornu perante kapitál, sei kompartilla lukru.”

Hanesan  mós, Timor-Leste bele evita kustu gastus nian husi  estadu  bem-estar, ho hetan  métodu inovador rasik  ba  kooperasaun ho empregadór no trabalhador sira hodi iha serteza katak funsionariu sira bele manán saláriu justu hodi bele sustenta, no hodi asegura katak kada funsionariu bele rai osan sufisiente hodi garante ninia saude, abitasaun no reforma rasik.

Razaun dasanuluk no ikus nian ba susesu Singapura nian maka onestidade. Ida ne’e maka dezafiante liu atu alkansa. Jerasaun lider Singapura dahuluk sira brutalmente onestu. Iha 1975, Ministru Estadu ida hetan konvite husi emprezáriu amigu hodi ba ferias. Nia hatan katak labele, tanba nia laiha osan, maibé emprezáriu ne’e oferese atu selu. Nune’e bainhira nia fila mai  tama,  hetan kedan  detensaun.

Kuandu iha onestidade,  ema ho investidór sira sei fiar katak politika governu destinadu atu fo benefisiu ba país, la’os atu benefisia politiku sira. Só nune’e sira sente konfiante iha lideransa. Ne’e mós kria sistema polítiku ne’ebé estável liu, ne’ebé  fo ba investidór sira paz espíritu. Nune’e, notável grau onestidade nian iha lideransa nasaun lori ba susesu.

Embora balun bele difísil atu halo tuir, razaun sanulu ne’e mak hanesan buat ne’ebé  paízes seluk bele halo. Maibé importante adapta prinsipiu hirak ne’e iha kontestu lokal. Kuandu ema barak vizita Singapura ohin no haree sidade-estadu modernu ida, sira hanoin katak Singapura sempre hanesan ne’e. Iha realidade, Singapura uluk hanesan nasaun kiak ida no laiha sorte kuandu hetan independénsia. Laiha rekursu natural ida. Tan ne’e mak útil estuda esperiénsia  Singapura bele hetan susesu perante probabilidade hotu-hotu, nasaun seluk mós bele halo. Tan ne’e mak hau sente haksolok mai iha Timor-Leste hodi kompartilla esperiénsia Singapura nian. Hein katak ida ne’e útil ba imi hotu. Obrigadu