• Manual Tezouru sai Matadalan ba Jestaun Finansas Públika

Home » Announcements » Manual Tezouru sai Matadalan ba Jestaun Finansas Públika Print Page

Manual Tezouru sai Matadalan ba Jestaun Finansas Públika

Diretóra Nasional Pagamentu, Ministériu Planu No Finansas (MPF), Regina de Sousa de Jesus hatete, objetivu husi manual tezouru ne’e fornese informasaun ba instituisaun hotu ne’ebé involve iha funsaun Jestaun Finansas Públika (JFP), relasiona ho prosesu Tezouru no mós format sira Tezouru nian. Tezouru manual sai hanesan matadalan ba liña ministerial hotu inklui ajensia outonomu no munisípiu sira, lia hirak ne’e informa ba jornalista sira iha edifísiu Torre MPF, Aitarak-Laran, Tersa–Feira, 12 Dezembru 2017 wainhira remata apresentasaun ba Manual Tezouru ba partisipantes sira.

Diretóra ne’e realsa liu tan, laos deit liña ministerial deit mak uza Manual Tezouru ne’e, maibé Manual Tezouru ne’e mós sai hanesan referensia ka informasaun kona-ba prosesu Governu ba interesante sira hanesan Banku Central, Banku Komersial, Banku Mundial no Banku Dezenvolvimentu Asíatiku (ADB) tanba sira mós parte interesante husi ezekusaun orsamentu liu-liu iha parte (Counterpart fund) nian.

“Manual Tezoru ne’e hanesan guia ka implementasaun ba iha instituisaun finansas públika atu garante prosesu ezekusaun orsamentu ho efetivu no ho kualidade,” haktuir Diretóra Nasional ne’e.

Karik durante ne’e jestaun finanseiru lao ladún diak, diretora ne’e hatan katak, laos tamba jestaun finansas públika lao la diak mak prepara manual ida ne’e, maibé tanba Tezouru nia papel ida mak tenke prepara no fornese guidelines, Sirkular sira, SOP no prosedimentus ezekusaun orsamentu Manual Tezouru ne’e presija tempu substansial , dedikasaun no esforsu tomak husi ekipa Tezouru nian hodi kompleta Tezouru Manual ida ne’e, iha tinan barak agora kompletu ona no sai hanesna guia ida hodi implementa tuir manual ne’e rasik. Maibé, Manual Tezouru nia prosedura sei iha mudansa baseia ba mudansa sira iha Lei Jestaun Finansas Públika, dekretu lei ezekusaun, sirkular no seluk tan husi tempu ba tempu.

“Bainhira Manual Tezouru implementa, hau hanoin ajuda ba intersante ne’ebé involve iha JFP efektivu liu tan, tanba Manual Tezouru hanesan matandalan, ne’e benefisiu bo’ot ba atu kumpriende liu tan prosedementu saida mak sira persija hodi ezekuta Orsamentu Gerál estadu nian,” esplika Diretóra.