• MF Atualiza Servisu Semenál Ba PM

Home » Announcements » MF Atualiza Servisu Semenál Ba PM Print Page

MF Atualiza Servisu Semenál Ba PM

Ministra Finansas Interina i Atuál Vise-Ministra Finansas Sara Lobo Brites atualiza perparativus balun relasiona ho prosesu pagamentu uma kain, pedidus balun husi Parlamentu Nasionál liga ho aprezentasaun orsamentu Jerál Estadu tinan 2021 pur-programas nomós rezaun pagamentu ba funsionáriu publiku ne’ebé tarde.

Tuir Ministra Finansas Interina i Atuál Vise-Ministra Finansas Sara Lobo Brites hateten, ohin enkontru ho Primeriru Ministru hala’o atividade normál kada segunda feira hodi atualiza preparativus balun. Primeiru pagamentu ba uma kain sira ne’ebé maka sediauk simu sira nia osan. Informa Pimeriru Ministru katak, prosesu pagamentu ne’e ita haruka ona ba iha banku Banku Nasionál Komérsiu Timor-Leste (BNCTL).

“Oras ne’e dau-duan fiar katak, Ministériu Solidariadade Sosiál hamutuk ho Ministériu Administrasau Estatal sei organiza pagamentu iha tempu badak”, informa Ministra Finansas Interina i Atuál Vise-Ministra Finansas Sara Lobo Brites iha Palasiu Governu hafoin enkontru semenál ho Primeiru Minsitru Taur Matan Ruak iha loron 23 fulan-Novermbru tinan 2020.

Governante ne’e reforsa tan, segundu atualiza ba Primeiru Ministru pedidus balun husi Parlamentu Nasionál, hanesan ita boot sira hatene ita nia aprezentasaun Orsamentu Jerál Estadu (OJE) 2021 bazeia ba programas. Mais parlamentu haree katak sira sei iha difikuldade iha debate, se karik Governu presiza atu fornese tan tabelas balun ne’ebé maka deskrimina orsamentu pur-klasifikasaun organika la’os de’it iha nível ministériu maibé tuun to nível divizaun.

Ministra Finansas Interina i Atuál Vise-Ministra Finansas Sara Lobo Brites hatutan tan, atualiza ba Primeiru Ministru kona-ba atualizasaun pagamentu salariu ne’ebé maka iha fulan sira ulu-uluk ita sempre selu sedu entre loron 20 ou 21. Mais fulan Novembru atraza ituan, tanba fulan Novembru ita sei atualiza dadus hotu ne’ebé maka direitu ema nian hanesan retro ativus, over time, promosoens. Purtantu ida ne’e maka kontribui atrazu, lolos ne’e ohin ida-idak bele asesu konta para bele foti ona osan mais presiza tan loron ida ka rua bele asesu ba sira nia salariu. REMATA