• MF Aprezenta Ona Dekretu Governu Ezekusaun OJE 2020

Home » Announcements » Events » MF Aprezenta Ona Dekretu Governu Ezekusaun OJE 2020 Print Page

MF Aprezenta Ona Dekretu Governu Ezekusaun OJE 2020

Governu liuhusi Ministra Finansas Interina i Atuál Vise-Ministra Finansas, Sara Lobo Brites hala’o aprezentasun projetu Dekretu Governu kona-ba ezekusaun Orsamentu Jerál Estadu tinan 2020 nian.

“Konsellu Ministru rona aprezentasaun ne’e hafoin halo análiza ba kada artiagu hodi aprova Dekretu ezekusaun ne’e no hodi fasilita Orsamentu Jerál Estadu, ne’ebé promulgadu husi Prezidente Repúblika Francisco Guterre “Lu-Olo” iha loron 19 fulan-Outubro tinan 2020, atu bele hahú ninia ezekusaun”, informa Ministru Prezidente Konsellu Ministru, Fidelis Manuel Leite Magalhães hafoin reuniaun Konsellu Ministru extraordinária iha loron 23 fulan-Outobru 2020.

Dekretu Governu nian ne’e hatuur regra sira kona-ba ezekusaun Orsamentu Jerál Estadu nian ba tinan 2020, ne’ebé hetan aprovasaun husi Lei n. 10/2020, loron 19 fulan-outubru no aplika ba orsamentu sira ba órgaun no servisu sira husi Administrasaun Sentrál, Rejiaun Administrativa Espesiál Oekusi Ambenu no Seguransa Sosiál.

Haktuir Komunikadu Imprensa, Regra hirak ne’ebé hatuur iha diploma ne’e ninia objetivu maka, liu-liu, atu regula no fasilita ezekusaun orsamentu iha fulan hirak ikus tinan ida-ne’e nian. Maioria husi norma hirak ne’ebé hatuur ba OJE tinan 2019 nian uza fila-fali iha Dekretu Governu nian ida-ne’e, maibé ninia redasaun halo simples liután no ninia organizasaun mós hadi’a ona atu fasilita ninia interpretasaun husi responsavel finansas nian sira husi setór públiku administrativu.

“Liu-liu, halo klarifikasaun kona-ba prosesu realizasaun despeza, ho identifikasaun ne’ebé klaru kona-ba faze oin-oin, atu bele halakon dúvida hirak ne’ebé impede to’o oras ne’e inísiu husi prosedimentu aprovizionamentu nian sira ka aseitasaun kompromisu, liu-liu kompromisu sira husi natureza plurianual”, haktuir Komunikadu Imprensa.

Iha kontinuasaun husi esforsu atu halo desentralizasaun prosedimentu ezekuasaun orsamentu nian, prevee posibilidade atu delega membru Governu sira-nian kompeténsia oin-oin ba Diretór-Jerál administasaun no finansas nian, iha ninia Ministériu ka Sekretaria Estadu nian ne’ebé la integra iha Ministériu, ka ba titulár kargu diresaun no xefia nian ne’ebé ekiparadu.

REMATA