• MF Aprezenta Ona Tetu OJE 2020

Home » Announcements » MF Aprezenta Ona Tetu OJE 2020 Print Page

MF Aprezenta Ona Tetu OJE 2020

20200701_MF Aprezenta Ona Tetu OJE 2020 - editado por DGuterres

Ministru Finansas Fernando Hanjam, apresenta ona proposta tetu Orsamentu Jerál Estadu tinan 2020 ho montante US$$1.492,3 bilhões iha âmbito reuniaun Konselho de Ministros extraordinário.

“Liu husi reuniaun Konselho de Ministros extraordinário aprova proposta ne’ebé apresenta husi Ministru Finansas, Fernando Hanjam kona-ba tetu OJE 2020 ho montante US$$1.492,3 bilhões”, informa Ministru Presidência do Konselho de Ministros, Fidelis Manuel Leite Magalhães iha Palásiu Governu liu husi konferência de imprensa, iha loron 29 de Junho de 2020.

Prioridade sira ne’ebé define iha OJE 2020 nian maka estabilizasaun ba setór sosiál ho nia foka ba Saúde, Edukasaun, Formasaun, Bee no Saneamentu. Estabilizasaun ba setór ekonómiku ho foka ba promosaun investimentu ba setór privadu, kriasaun ba empregu, agrikultura, seguransa alimentar, polítika makro ekonómika, reforma ba administrasaun públika, ekonomia, sistema judisiáriu no jestaun ba finansas públikas.

Governante ne’e esplika, bazeia ba prioridade hirak ne’e, 33,8 por cento husi valór totál OJE sei aplika ba setór sosiál, 8 por cento ba edukasaun, 15 por cento ba protesaun sosiál, 11% ba saúde no 48,5% ba dezenvolvimentu ekonómiku no infraestrutura, inklui medida ba estabilizasaun ekonómika iha âmbitu COVID-19 nian.

Iha reuniaun do Konselho de Ministros ne’e aprova mós kalendáriu preparasaun ba OJE 2020 no 2021. Projetu husi Proposta Lei ida-ne’e sei aprova iha Konselho de Ministros iha loron-26 fulan Agostu no sei submete ba Parlamentu Nasionál hahú iha loron-15 fulan Setembro.

Kona fali ba kalendáriu ba OJE 2021 nian, preveé tiha katak Konselho de Ministros bele apresia Proposta lei ne’e iha loron-25 fulan Setembro no sei submete ba Parlamentu Nasionál to’o loron-15 fulan Outubru.