• MF Distribui Ona DOT Fulan-Janeiru Ba Liña Ministérias

Home » Announcements » MF Distribui Ona DOT Fulan-Janeiru Ba Liña Ministérias Print Page

MF Distribui Ona DOT Fulan-Janeiru Ba Liña Ministérias

20200114_MF Distribui Ona DOT Fulan Janeiru Ba Liña Ministérias 1

Ministériu Finansas, loron 13 Janeiru 2020 – Ministériu Finansas liuhosi Diresaun Jerál Planeamentu no Orsamentu distribui ona Dotasaun Orsamentu Temporaria (DOT) fulan-Janeiru 2020 ba liña ministériu no institusaun estadu sira hotu ho totál montante millaun 116.4.

Tuir Diretór Jerál Planeamentu no Orsamentu, Januário da Gama hateten, ohin aprova ita-nia dekretu ezekusaun kona-ba rejime duodésimu iha parte dadersan. Lokraik ida-ne’e Ministériu Finansas halo lansamentu ba DOT ba fulan-Janeiru nian. DOT ne’e nia baze de kalkulasaun hosi orsamentu aprovadu 2019 ninian. Maibé halo mós identifikasaun no halo suspensaun ba despezas balun ita konsidera hanesan one-off ka remata iha tinan 2019 ninian.

“Purtantu hosi tetu ida-ne’e aprovadu 2019 ninian depois de téknikamente hosi Ministériu Finansas halo kalkulasaun hosi um doze avos (1/12) hetan tetu finál agregadu ba DOT Janeiru nian maka millaun 116.4”. Informa Diretór Jerál Planeamentu no Orsamentu Januário da Gama.

Hosi totál DOT millaun 116.4 ne’e aloka ba kategoria Saláriu Bensimentu 17.8 millaun, Beins Servisus 38.6 millaun, Transferensia Publika 26.6 millaun, Kapitál Dezenvolvimentu 33.4 millaun no Kapitál Minór purinkuantu ita suspende tanba relativa ho prosesu de aprovizionamentu.

“Entaun hosi tetu milloens 116.4 ne’e inklui mós despezas ba imprestimu nian ne’ebé fulan-fulan ho ninia kalkulasaun 7.250 mil”. hateten Diretór Jerál Planeamentu no Orsamentu Januário da Gama.

Diretór Jerál Planeamentu no Orsamentu Januário da Gama reforsatan katak, ohin lansamentu ne’e halo ho intensaun ida depois parte hosi sistema Ministériu Finansas sei halo atualizasaun ba Government Resource Planning (GRP). Finalmente komesa aban ministériu no instituisaun sira bele hahú ezekuta ona DOT para depois bele asegura makina no funsionamentu administrasaun publika kontinua la’o. Liu-liu ba programa no atividades sira ne’ebé konsidera hanesan on going ka kontinua hosi 2019 mai 2020 ne’e kontinua asegura nafatin iha DOT.

Hatan kona-ba DOT ne’ebé aprova tardi Diretór ne’e esplika, konserteza ita sei iha dezafius ba ida ne’e tanba tuir pratika no prinsipiu ne’ebé mai hosi enkuadramentu legal kalkulasaun tenki hanesan ne’e duni. Maibé ministériu no instituisaun ida-idak maka tenki haree atu sukat sira nia nesesidade hosi tetu ne’ebé distribui.

“Konserteza ita halo distribusaun DOT ne’e iha mediu fulan-Janeiru nia implikasaun ida maka ministériu no instituisaun sira sei la konsege ezekuta hotu. Maibé ida-ne’e hanesan prosesu inisiu ida ke sei gia karik ita sei halo extensaun ba DOT iha fulan sira tuir mai”. hateten Diretór

Se prosesu ne’e ita inisia agora pur-exemplu ita prepara ita-nia planu ezekusaun no planu asaun no planu aprovizionamentu. Mesmu orsamentu ne’e kaduka iha fim Janeiru, maibé ninia prosesu sira ne’e ita sei tranzita ba fulan sira tuir mai.

“Entaun ho kabementu orsamentu DOT ne’ebé ita sei aplika ba fulan tuir mai iha ona ninia Baseline ida para ezekuta tanba prosesu ne’e la’o ona”. Informa Diretór Jerál Planeamentu no Orsamentu Januário da Gama.