• MF Formalmente Estabelese Sekertariadu Tékniku Ba Fundu Covid-19

Home » Announcements » MF Formalmente Estabelese Sekertariadu Tékniku Ba Fundu Covid-19 Print Page

MF Formalmente Estabelese Sekertariadu Tékniku Ba Fundu Covid-19

Ministériu Finansasn hanesan Prezidenti konsellu ba Fundu Covid-19 ohin loron loron 20 Fulan-Abril 2020 hala’o enkontru inisial ida hodi formalmente estabelese sekertaridau tékniku fundu Covid-19.

Tuir Ministra Finansas i Atuál Vise-Ministra Finansas Sara Lobo Brites hateten, Ministeriu Finansas ne’ebé hanesan Prezidenti konsellu ba Fundu Covid-19. Ohin realiza ona enkontru inisial ida hodi formalmente estabelese sekertariadu tékniku nia kompozisaun hodi atribui mós sira nia kna’ar. Ho nune’e aban sei konvidu membru konsellu fundu nian hanesan Ministériu Saúde, Ministériu Negosiu Estranzeiru no Koperasaun (MNEK) nomós Ministériu sira ne’ebé involve iha prosesu hotu kona-ba prevensaun no kombate Covid-19 sei partisipa iha premeiru enkontru fundu Covid-19.

“Pratikamente ohin ofisializa sekertariadu tékniku nian no aban sei aprezenta ba iha konsellu fundu para hetan apresiasaun. I bele mós aban iha biban fó ona proposta sira ne’ebé iha ona nia baze legal iha konsellu ministru nomós despezas sira ne’ebé realiza tiha ona antes ne’e”, informa Ministra Finansas i Atuál Vise-Ministra Finansas Sara Lobo Brites.

Kona-ba sekertariadu ne’e rasik nia koordenadór jerál maka Diretór Jerál Planiamentu no Orsamentu nia kna’ar hanesan Koordenadór Jerál kompostu ho koordenadór ida no ekipa tekniku sira seluk.

Iha sorin seluk tuir Koordenadór Jerál Sekertariadu Tékniku Fundu Covid-19 Januario da Gama espika, sekertariadu tékniku ida ne’e ho despaizu Vise-Ministra nian Diretór Jerál Planuamentu no Orsamentu maka sai hanesan koordenadór ba sekertariadu ida ne’e. Maibé sekertariadu ne’e rasik sei iha portofóliu ida para bele prepara kondisoins reuniaun konsellu fundus nian hahu husi prosesu administrativu, ezekusaun, verifikasaun proposta sira husi ministériu sira relasiona ho fundu Covid-19 nian nune’e mós halo pagamentu no rekonsiliasaun relatoriu ba konsellu fundu nian.

“Sekertariadu ida ne ohin lansa tiha ona no aban sei halo intrudusaun ba konsellu fundu para atu halo apresiasaun final”, hateten Koordenadór Jerál Sekertariadu Tékniku Fundu Covid-19 Januario da Gama.
Koordenadór ne’e mós reforsa tan katak, ida ne’e sekertariadu hahú toma em funsaun atu halo verifikasaun ba proposta sira. Ho nune’e fundus sira estabelese bele tama ona ezekusaun para bele responde nesesidade ba iha situasaun sira ne’ebé agora dau-dauk estadu no ita nia governu infrenta hela.

Hatan kona-ba kobertura orsamentu Koordenadór ne’e esplika, kabebentu orsamentu maka hanesan Parlamentu Nasionál aprova ona ho montante millaun $ 150. Ministériu sira relevante ba situasasun Covid-19 ninian aprezenta ona ba Sala Situasaun Jestau Krizi halo ona verifokasaun no validasaun hodi enkuadra atividade no programa ba nia orsamentasaun pur-programa. Hotu tiha aprezenta mai Ministériu Finansas no aserta ba iha sistema. Hafoin aserta iha sistema ami sei aprezenta ba konsellu fundu para apresiasaun no aprovasaun final depois loron hira tuir mai bele tama ba ezekusaun normal.

Aprovasaun ikus liu aban konsellu fundu sei halo, maibé proposta sira ne’e ita hare mai husi liña sektorál husi Ministru Saude, Polisia Nasional, Forsa, FFDTL. Ministériu sira ligasaun ho prevensaun no konvate Covid-19 detaillu ba proposta ami enserta ba sistema no ami sei informa fali.