• MF Hahú Formasaun Sistema GRP Ba Ofisial Finansas RAEOA-ZEESM

Home » Anúncios » MF Hahú Formasaun Sistema GRP Ba Ofisial Finansas RAEOA-ZEESM Imprimir a página

MF Hahú Formasaun Sistema GRP Ba Ofisial Finansas RAEOA-ZEESM

Governu liuhusi Ministeriu Finansas (FM) hala’o sesaun formasaun ba ofisiál finansas Rejiaun Adminirtrasaun Espesiál Oe-Cusse Ambeno (RAEOA) – ZEESM kona-ba Sistema Jestaun Finanseiru ka koñesidu ho naran “Goverment Resouce Plan (GRP). Formasaun ne’e realiza iha Aeroportu Internasionál Rota do Sándalo RAEOA iha loron 17 Novembru 2020.

Diretór Jerál Servisus Koperativus Ministériu Finansas Joanico Pinto hateten pre-rekejistus atu utiliza sistema GRP ne’e maka iha aneksu 2 Lei Orsamentu ba Autoridade RAEOA-ZEESM ne’e hatur despezas hotu tenki klasifika tuir orsamentu ne’ebé iha kategoria salariu vensimentu, beins servisu, kapital minor, trasferensia publika. Tanba sa maka foin realiza formasaun hodi bele integra sistema ida ne’e, tanba tinan sira ba kotuk, iha aneksu 2 Lei Orsamentu despezas ba Autoridade RAEOA – ZEESM tama iha kategoria trasferensia publika no tama iha liña Orsamentu dotasaun tudu Governu. Entaun bainhira iha Lei Orsamentu tinan 2021 defini ona nia estatutu klaru iha tabela V aneksu lei ne’e, ba oin sei utiliza bainhira Orsamentu aprovadu.

“Formasaun ida ne’e hanesan pre-rekejitu ida ne’ebé bele garantia katak iha tinan fiskal 2021 ba Autoridade RAEOA – ZEESM bele uza ona sistema jestaun finanseiru  hodi ezekuta sira nia Orasamentu”, informa Diretór Jerál

Treinamentu ida ne’e mós hodi responde no kumpri orientasaun politika Governu no Parlamentu Nasional relasiona ho obrigasaun ba Autoridade RAEOA – ZEESM hodi utiliza sistema finanseiru ba preparasaun no ezekusaun Orsamentu Jerál estadu aprovadu ba RAEOA- ZEESM hahú husi tinan 2021.

Diretór Jerál Servisus Koperativus Ministériu Finansas Joanico Pinto, objetivu husi treinentu ida ne’e maka fó formasaun no materia detaillu kona-ba sistema jastaun finansas publika kompostu husi modelu finansas, aprovizionamentu, jestaun kontratu, jestaun tezouru (expenditure and treasury management, payroll management), planu Orsamentu, kontabilidade, sistema no mós prosesu impostu SIGTAS. Hasa’e kapasidade no konesimentu tékniku ba funsionariu RAEOA – ZEESM nune’e bele utiliza sistema iha tinan 2021.

“Partisipante no formante sira ne’e sei hetan  avaliasaun  no teste iha finál kursu hodi sukat kbit no kapasidade observasaun ba material sira”, esplika Diretór Geral ne’e.

Treinamentu ne’e hahu iha loron 17 fulan-novenbru tinan 2020 to 22 fulan-dezembru ekiparadu ho 248 oras. Finál husi formasaun ida ne’e Ministeriu Finansas liuhusi Gabineti Reforma Jestaun Finansas Publikas no Sentru Kapasitasaun sei entrega sertifikadu ba partisipante sira. Tuir planu Ministeriu Finansas komprometidu atu kontinua kolabora no koopera nafatin ho autoridade RAEOA hodi asegura katak, tekniku husi Ministeriu Finansas sei halo akompanamentu on the job trainning ba autoridade RAEOA iha faze implementasaun.

Iha sorin Presidente Autoridade RAEOA Arsenio Paixão Bano esplika, formasaun ida ne’e importante tebes tanba mosu deklarasaun oinoin iha RAEOA – ZEESM katak RAEOA uza osan arbiru de’it tanba la iha sistema freebalance. Husi formasaun ida ne’e tulun RAEOA tama iha sistema nia laran iha tinan lima nia laran RAEOA esforsu boot atu inklina an iha sistema ida ne’e.

“Oe-Cusse iha oportunu diak tanba hetan formasaun ida husi Ministériu Finansas kona-ba sistema freebalance sistema ne’e atu tulun ezekusaun Orsamentu RAEOA nian ho diak, tanba kritika barak kona-ba ezekusaun RAEOA nian durante ne’e, miabé troka korespondente katak entre rejiaun servisu ho Ministériu Finansas la’o kleur tiha ona”, reforsa Presidenti RAEOA.

Formsaun ne’e liuliu ba tékniku finansas rejiaun ninian, tanba formasaun ne’e bele kapasita diak liutan nune’e bele uza sistema ne’e ho diak ba ezekusaun Orsamentu RAEOA – ZEESM nian.

Presidente ne’e reforsatan, Rejiaun sei iha sistema finanseira rasik no parte legal sira dezenvolve dau-dauk sistema ne’e no sei hetan asistensia husi servisu sentral. Sistema manuál ne’ebé maka durante ne’e relatoriu ami sempre aprezenta ba pralamentu, governu  no konta rejiaun ninian tinan-tiann sempre hetan auditoria husi Tribunal konta”,

“Antes ne’e Autoridade RAEOA – ZEESM ezekuta orsamentu RAEOA nian uza de’it sistema manual. Tanba rejiaun iha kopetensia bazeia ba lei kona-ba estabelesimentu RAEOA – ZEESM nian, rejiaun iha kompetensia autonomia finanseira, administrativa no patrimonial”.

Presidenti Autoridade RAEOA – ZEESM agradese ba Governu sentral liu-liu Ministériu Finansas tanba bele realiza ona formasaun kona-ba sistema jestaun finansas publikas nian. REMATA