• MF Hala’o Audiénsia ho Komisaun C PN

Home » Anúnsiu » MF Hala’o Audiénsia ho Komisaun C PN Imprime pájina

MF Hala’o Audiénsia ho Komisaun C PN

20200110_MF Halao Audensia Ho Komisaun C PN

Parlamentu Nasionál 9 Janeiru 2020- Ministériu Finansas hala’o audiénsia ho ekipa Komisaun C Parlamentu Nasionál hodi eplika kona-ba vizaun jerál Proposta Orsamentu Jerál Estadu (OJE) tinan 2020.

Ministra Finansas i atual Vise Ministra Finansas Sara Lobo Brites hateten, ohin audiénsia ho komisaun C iha perguntas barak maka prezidente komisaun no deputadu sira koloka relativamente ho orsamentu 2020. Liu-liu konfirma kona-ba proposta foun ne’ebé maka governu hatama fila-fali iha loron 19 Dezembru 2019. Diskusaun la’o diak, tanba perguntas ne’ebé maka komisaun C koloka ne’e fó ona pur-eskrita antes ba Ministériu Finansas i ohin informa ona no nafatin prepara resposta pur-eskrita mós.

Entre perguntas sira ne’e ko’alia mós kona-ba selling ka plafon ne’ebé maka governu tau iha orsamentu 2020 purvolta 750 miloens. Sira hakarak entende didi’ak selling ne’e, tanba saida maka bo’ot i ninia prosesu la’o halo oinsa.

“Ohin tékniku sira no ha’u rasik esplika katak montante ne’e bazeia ba projetus importante sira ne’ebé ita hakarak implementa iha futuru”. Hateten Ministra Finansas i atual Vise Ministra Finansas Sara Lobo Brites.

Governante ne’e mós reforsa tan katak ida-ne’e hanesan forma ida atu hetan autorizasaun hosi parlamentu molok governu rekore ba iha imprestimu hosi parte externu sira. Ida-ne’e la’os montante ida atu hetan kedas iha 2020 maibé hanesan valor totál deit. Maibé governu sei negosia i sei ba buka lender ne’ebé maka atu fó imprestimu ba governu.

“Montante ida-ne’e hanesan plafon deit, sei lori tinan barak dalaruma tinan ida ka rua para atu bele hetan negosiasaun ida. Purtantu ida-ne’e atu hetan autorizasaun uluk hosi parlamentu”. Informa Ministra Finansas i atual Vise Ministra Finansas Sara Lobo Brites.

Iha sorin seluk tuir Prezidenti Komisaun C Parlamentu Nasionál ne’ebé trata asuntu (Finansas Públika) Maria Fernanda Lay katak, ami enome komisaun C agradese ita bo’ot sira nia pasensia hodi fó resposta ba deputadu sira nia preokupasaun. Intensaun ami nian mak ita hadia para ke orsamentu ne’e bele aprova i ita bele hala’o seim rejime duodésimu. Tanba ita hatene ona konsekuensia rejime duodésimu nia impaktu ne’e bele hadi’a liu tinan ida.

“Ami rekoñese problema ida-ne’e embora ami foti nia intensaun ne’e diak ba Ministériu Finansas no ba ita hotu. Ita asvezes sim maibé ida-ne’e intensaun ba ita-nia nasaun nia diak”. Prezidenti Komisaun C Parlamentu Nasional Maria Fernanda Lay esplika.

I ha’u espera katak iha intervensoins ne’e iha perguntas sira ho intensaun atu ataka pesoalmente atu nune’e bele hadi’a ita-nia sistema totalmente para fó informasaun di’ak ba ita-nia populasaun.