• MF Hala’o Audiénsia Públika Ho Membru Parlamentu Nasionál Kona-ba Lei LFP

Home » Announcements » MF Hala’o Audiénsia Públika Ho Membru Parlamentu Nasionál Kona-ba Lei LFP Print Page

MF Hala’o Audiénsia Públika Ho Membru Parlamentu Nasionál Kona-ba Lei LFP

20200616_ MF Halao Audensia Públika Ho Membru Parlamentu Nasionál Kona-ba Lei LFP - editado por DGuterres

Governu liuhusi Ministériu Finansas hala’o ona audiénsia públika ho membru Komisaun C, F no D iha Parlamentu Nasionál hodi diskute kona-ba proposta lei Levantamentu Fundu Petrolíferu (LFP) hodi fó autorizasaun ba realizasaun segunda transferénsia extraordinária iha tinan 2020. Audiénsia públika ne’e realiza iha Parlamentu Nasionál, iha loron 16 Fulan-Junho 2020.

Tuir Ministru Finansas, Fernando Hanjam hateten Governu lori proposta ne’e mai atu husu tan osan, tanba ho ita nia osan iha Dotasaun Orsamental Temporária (DOT) nian, iha saldo de tesouro até fulan Agostu la sufisiente atu bele kobre despezas nomós atividade sira hotu.

Iha fatin hanesan, Vice-Ministra Finansas Sara Lobo Brites esplika katak, em relasaun ho primeiru levantamentu husi Fundu Petrolíferu ho montante US$ 250 milhões hanesan tuir lei ne’ebé aprova US$ 100 milhões ba reforsa Caixa de Tesouro nomós US$ 150 milhões ba reforsa iha fundu Covid-19 nian. Ezekusaun ba tesouro nian tuir relatóriu ne’ebé ami partilha ona katak, iha ne’ebá projesaun fluxo de tesouro ne’ebé demonstra katak iha fulan Mai US$ 100 milhões ne’e ami hatun ona levantamentu mai Caixa de Tesouro i ninia pozisaun até agora US$ 150 milhões.

“Ida-ne’e maka sai razaun ida governu aprezenta atu hetan tan apoiu atu nune’e Tesouro atu bele iha saldo sufisiente atu bele finansia despezas estadu nian até orsamentu 2020 entra em vigor”, informa Vice-Ministra das Finansas Sara Lobo Brites.

Governante ne’e mós esplika, kona-ba Fundu Covid nian iha US$ 150 milhões. Iha relatóriu ne’ebé aprezenta iha loron 27 de Abril to 10 de Junho diferente ho portal ne’ebé deputadu sira asesu. Tanba agora ita iha ona loron 16 fulan Junho ne’ebé iha mudansa. Portal ohin nian hatudu katak, em termos de valores konkretus ezekusaun atuál por volta de US$ 91.21 milhões husi 150.748,00. Quando haree ba nia saldo loos duni sei iha balansu ida por volta de US$ 52 milhões ne’ebé maka pertinente duni deputadu sira atu koloka. Tanba saida maka saldo sei iha hela i Governu hakarak mai husu tan US$ 70 milhões para atu bele reforsa tan Fundu Covid-19.

Deputadu sira karik akompanha ita iha Centru Integradu Gestão Crize (Sigla Português CIGC) ne’ebé maka inisiu kuandu ita deteta kazu iha ita nia rain Governu hari CIGC prosesu hahú husi ne’ebá.

“Centru Integradu Gestão Crize maka hala’o enkontru ho ministériu sira ne’ebé maka involve programa prevensaun i kombate ba Covid-19 hodi identifika programa no atividade ne’ebé presiza finansiamentu husi fundu Covid”, explika Vice-Ministra das Finansas.

Husi Centru Integradu sira halo proposta por programas i alokasaun orsamentu ne’ebé mak aprezenta ba Komisaun Interministeriál para aprova. Hafoin enkaminha mai Konselho Jestaun Fundu hodi bele instala ba ita nia sistema jestaun finansas nian.

Vice-Ministra mós reforsa tan, atu fahe de’it informasaun la’os meramente Konselho Jestaun Fundu Covid maka desidi programa sira, maibé liuhusi prosesu Centru Intregradu iha liu informasaun no kompeténsia lubuk ida atu jere situasaun iha krize. Entaun sira aprezenta programa no ita konverte programa sira ba ita nia sistema. Estrutura iha fundu covid nia mós hanesan estrutura iha fundu infraestruturas nomós fundu kapitál humanu. Ita ezekuta tuir programa, sub-programas no atividades i depois maka lina ministériu implementadór sira iha asesu diretamente para atu bele ezekuta fundu ne’e liuhusi Sekretariadu Tékniku nia apoiu.

“Fundu ne’e atu fahe ba programa tolu, primeiru programa ba prevensaun no mitigasaun, segundu kona-ba produsaun agríkola sustentável no terseiru kona-ba seguransa alimentar”, reforsa Governante ne’e.

Ninia ezekusaun real husi atividade sira iha Portal Transferénsia mós ami providensia hatudu duni katak, iha mudansas hanesan iha virement nomós mudansa husi programa ida ba programa seluk. Ida-ne’e akontese iha inísiu uainhira Sentru Integradu define nia programa iha tempu hanesan mós Governu mós aprova medida lubuk ida liu-liu ligadu ho impaktu sósio-ekonómiku.

“Purtantu US$ 150 milhões ne’e ami simu destinadu hotu kedas ba prevensaun no kombate Covid-19 mas depois hotu-hotu hatene katak, Covid ne’e rasik la du’un fó impaktu maka’as. Mas nia impaktu sosiál mak maka’as, tanba impaktu husi medida sira ne’ebé ita implementa durante estadu de emerjénsia”, informa Vice-Ministra das Finansas.

Tanba ne’e mak desizaun ba subsídiu 100 dolar fó impaktu ba mudansa no programa hotu-hotu ne’ebé maka fofoun define tiha ona iha fundu Covid ne’e rasik.