• MF Hala’o Enkontru Avaliasaun Dezempeñu Ministeriál

Home » Anúnsiu » MF Hala’o Enkontru Avaliasaun Dezempeñu Ministeriál Imprime pájina

MF Hala’o Enkontru Avaliasaun Dezempeñu Ministeriál

20191227_MF Halao Enkontru Avaliasaun Dezempeñu Ministeriál 1

Ministra Finansas i atuál Vise Ministra Sara Lobo Brites hala’o enkontru anuál ho Diretór Jerais no Diretór Nasionais iha Ministéru Finansas hodi avalia dezempeñu servisu ministériu nian. Enkontru ne’e realiza iha Salaun Auditoriu Xanana Gusmão Ministériu Finansas loron 27 Dezembru 2019.

Tuir Ministra Finansas i atuál Vise Ministra Finansas Sara Lobo Brites hateten, Ita hanesan Ministériu ida ke bo’ot no ita-nia área atendimentu mós bo’ot i kompleksu no difikuldade mós barak. Mais tinan rua ona, Ha’u mai hamotuk ho ita bo’ot sira. Ita hotu-hotu servisu hamotuk i konsege ultrapasa situasaun barak ke iha servisu todan nia laran. Tanba ita servisu hanesan ekipa nível koordenasaun no nível ambiente ida unidus tebetebes. Embora iha situasaun balun dalaruma iha hanoin ne’ebé la hanesan, mais ita tenta atu tau interese Ministériu Finansas no interese estadu nian a’as liu ita idak-idak nia interese.

“Ita sorti lo’os iha ekipa ida ne’ebé ema hotu-hotu iha vizaun no hanoin diak. Ita hotu-hotu tenki orgullu ba ida-ne’e no tenki tane a’as valóres sira hanesan ne’e. Atu nune’e Ministériu ne’e kontinua la’o ba oin bele iha progresu ne’ebé maka diak i dezempeñu ne’ebé diak”. Informa Ministra Finansas atuál i Vise Ministra Finansas Sara Lobo Brites.

Ita-nia enkontru ohin ita la kolia kona-ba isu koordenasaun, maibé hanesan fórum ida ita atu dialogu oituan ba oin oinsa maka ita hotu-hotu hanoin lisuk. Hosi idak-idak nia parte ba interese Ministériu Finansas nian para ba oin ita bele halo diak liu tan.

Iha difikuldade ruma presiza hetan apoiu iha forum ida-ne’e ita bele hato’o. Atu nune’e ita bele entende malu i tenta atu ajuda malu no tempu ida ohin hanesan tempu ida oportunu tebes.