• MF Hala’o Enkontru Ho Comité Orientadór 25

Home » Announcements » MF Hala’o Enkontru Ho Comité Orientadór 25 Print Page

MF Hala’o Enkontru Ho Comité Orientadór 25

20200114_MF Halao Enkontru Ho Comité Orientador 25 (2) 1

Ministra Finansas Interina i atual Vise Ministra Finansas Sara Lobo Brites halo enkontru ho ekipa Comité Orientador 25 (CO25) sigla Portuges ho objetivu atu hatene atividade ne’ebé durante ne’e Komité ne’e hala’o. Enkontru ne’e hala’o iha Ministériu Finansas (MF) Pizu 10 iha loron 13 fulan-Janeiru 2020.

Iha enkontru ne’e, Minsitra Finansas Interina i atual Vise Ministra Finansas Sara Lobo Brites hateten hosi informasaun ne’ebé ohin hato’o ona katak, CO25 halo ona servisu ne’ebé di’ak lo’os no atu to’o ba finál ona. Liu-liu liga ba hakerek istória ne’ebé iha valór tebes ba ita-nia nasaun. Entermus ezekusaun, CO25 nian la iha problema, liga ba progresu servisu ne’ebé Comité hala’o ona ne’e importante loos.

Iha enkontru CO25 entegra mós revista rua hanesan Timor Prizaun Nakloke Hakaran no Revista História da Resistencia.

Iha sorin seluk tuir Prezidente CO25, Costansio Pinto, hateten atu informa deit progresu servisu Comité Orientador 25 durante ne’e to’o ona iha nível as nian. Nomós introdus ezistensia Comité nian servisu ne’ebé hala’o liu-liu ba peskiza ita-nia istória.

Comité simu kna’ar ida-ne’e husi VI Governu konstituisionál buka atu hala’o ninia kna’ar ho didi’ak Hodi sosializa paradigma ida-ne’ebé mak Comité adopta homanizmu hodi sai hanesan gia ida peskiza istória ita-nia luta ba ukun-an rasik.

Ita mós presiza halo traskripsaun ba dokumentasaun sira iha fatin seluk-seluk, liu-liu hosi Portugal, Australia, no Indonesia. Dokumentu sira ne’e sei halo hela observasaun ida hosi Comité 25 no halo traskripsaun hosi nia intervista áudio visual (dijitál) nian.

Durante tinan ida-ne’e ho orsamentu ne’ebé maka iha ami konsege peskiza no rekolla dadus hosi jornál da repúblika ami mós kompleta ona konferénsia ba munisípiu sira hotu inklui Rejiaun Administrativa Espesiál Oe-Cusse Ambeno (RAEOA. Ho orsamentu ne’ebé CO25 iha, CO25 konsege rekolla dadus barak iha rai laran hosi parte munisípiu sira no halo ona nia traskripsaun,

Iha eventu konferénsia munisipál ne’e hetan atensisaun bo’ot tebes hosi munisípiu sira relasiona atividade Comité 25 nian. Tanba antes ne’e, CO25 halo koordenasaun diak ho autoridade lokal nomós prezidenti konsellu veteranus sira iha munisípiu.

Iha konferénsia ne’e hetan partisipasaun bo’ot tebes, ate sira husu atu halo konferensia iha Postu-Administrativu sira. Tanba ema barak maka atu fó sira-nia testemuña ba istória Timor-Leste nian.