• MF Hala’o Enkontru Ho Ekipa Banku Sentrál Timor-Leste

Home » Announcements » MF Hala’o Enkontru Ho Ekipa Banku Sentrál Timor-Leste Print Page

MF Hala’o Enkontru Ho Ekipa Banku Sentrál Timor-Leste

Ministériu Finansas (MF) iha Loron 13 fulan-Fevereiru 2020 – Ministra Finansas Interina i Atuál Vise Ministra Finansas Sara Lobo Brites akompaña hosi Dirijentes relevantes iha âmbito servisu MF nian hala’o enkontru ho Governadór Banku Sentrál Timor-Leste (BCTL) Abrão de Vasconselhos no equipa ho objetivu diskuti kona-ba inisiativas foun sira atu mellora sistema pagamentu elektróniku iha Timor-Leste hodi fasilita kontribuentes sira selu obrigasaun fiskál ho forma acessível iha fulan sira tuir mai.

Iha enkontru ne’e Ministériu Finansas no Banku Sentrál kualia mós kona-ba apoiu hosi BCTL atu tulun Governu mellora pagamentu ba benefisiarius sira hosi programas sociais ne’ebé simu sira-nia direitu iha kada fulan nen (semestral) atu possível hahuu selu kada fulan maibé ho kustu servisu ne’ebé la fo todan ba Governu liuhosi meius pagamentu sira ne’ebé fornecedores servisus pagamentu (Payment Services Provider) sira hahuu estabelese ona iha rai laran.

Alem de ne’e diskute mós assuntu sira ligadu ho Investimentu Fundu Petroleu, Inisiativa balun hosi BCTL atu estabelese Kampu Dijitál hodi fasilita transaksaun hotu-hotu via online nomós asuntu sira seluk ne’ebé pertinente ba MF no BCTL ninia área servisu.

Enkontru entre MF no BCTL sei realiza regularmente possível kada fulan atu nune’e bele koordena atividade sira ne’ebé implementa hela, troka ideia, no kontinua fo apoio ba malu hodi mellora prestasaun servisu ba públiku.

– Fim –