• MF Hala’o Inkontru Regular PIF Batugede no Salale Ba Dala XVIII

Home » Anúnsiu » MF Hala’o Inkontru Regular PIF Batugede no Salale Ba Dala XVIII Imprime pájina

MF Hala’o Inkontru Regular PIF Batugede no Salale Ba Dala XVIII

20191223_MF Hala’o Inkontru Regular PIF Batugede no Salale Ba Dala XVIII

Batugede-20 Dezembru 2019– Ministériu Finansas liuhosi Autoridade Aduaneira hala’o enkontru regular ho konsellu jestaun ezekutivu Postu Integradu Fronteira (PIF) Batugede no Salele ba dala XVIII. Ho objetivu atu relata informasaun ba malu kona-ba dezempeñu no dezafius servisu entre instituisaun sira ne’ebé hala’o kna’ar iha Ponstu Intregadu Frontera Batugede no Salele.

“Importante tebes ba ita hotu atu servisu hamutuk i tau atensaun iha ita-nia postus ne’ebé maka sai hanesan odamatan ba iha ita-nia rai”.

Ministra Finansas Interina i atual Vise Ministra Finansas Sara Lobo Brites hateten, Servisu iha postu integradu ezizi tebes servisu hanesan equipa, Require Strong Team-Work. Ita tenki separa interese entre nasaun no instituisaun hosi interese individu. Se la’e ita sei la servisu ho atendimentu di’ak no servisu la ho produtividade ba ita-nia rai no nasaun. Importante tebes atu iha reuniaun koordenasaun servisu sira hanesan ne’e antes taka tinan para halo refleksaun ituan ba kotuk hodi identifika ita nia problema. Ho nune’e ita kontinua halo melloramentu no kontinua koordena oinsa maka servisu bele la’o di’ak.

“Importante tebes difikuldade ne’ebé maka ita hasoru bele partilla ba malu. Ba oin atu mellora liutan ida-idak nia parte haree ba opstaklu sira ne’ebé maka iha”.

Ita hotu-hotu iha objetivu ida deit, ita hotu nia objetivu atu halo protesaun ba ita-nia nasaun. Ita identifika riskus sira ne’ebé hasoru hodi hala’o ida-idak nia kna’ar ho profesionál. Envolvimentu hosi ministériu no unidade ne’ebé la hanesan, maibé ita bele servisu nafatin iha ambiente ida ne’ebé maka ho harmonia no hanesan ekipa.

Ministra Finansas i atual Vise Minsitra reforsa tan, Rekursus humanus ita iha limitasoins barak duni, ne’e la’os Alfandege maibé fiar katak hotu-hotu iha limitasoins. Maibé rekursu humanus hanesan patrimóniu ba instituisaun. Ita la haree rekursu humanus hanesan kustu maibé haree hanesan patrimóniu. Entaun hanesan patrimóniu kontinua fó formasaun ba ita-nia ekipa ne’e importante. Tanba ita bo’ot sira ne’ebé servisu iha fronteira hasoru risku oin-oin, ema ne’ebé servisu iha fronteira tantu hosi Alfandega no unidade sira selu-seluk iha koñesimentu deit la to’o.

Koñesimentu deit iha ida-idak nia área la to’o, tenki iha integridade, tenki iha koñesimentu iha língua, servisu hanesan profesionál ho matan moris néon nain.

Enkontru ne’e lidera direta hosi Diretúr Jerál Autoridade Aduaneira José António Fátima Abílio relata informasaun minutas inkontru anterior nian ba instituisaun sira neébe hala’o sira nia knaár iha área fronteira. Iha enkontru ne’e hetan partisipasaun másimu hosi institusaun konsellu jestaun ezekutivu Postu Integradu Fronteira (PIF) Batugede no Salele. Insititusaun sira hanesan Ministériu Finansas, Autoridade Aduaneira, Ministériu Saúde, PNTL, UPF, Broker, DNTT, Imigrasaun nomós Polisia Militar.