• MF Halo Audensia Públika Ho Komisaun C, D no F

Home » Announcements » MF Halo Audensia Públika Ho Komisaun C, D no F Print Page

MF Halo Audensia Públika Ho Komisaun C, D no F

20200207_MF Halo Audensia Publika Ho Komisaun C D no F Final 1

Parlamentu Nasionál, loron 06 Fulan-Fevereiru 2020- Ministra Finansas i Atual Vise Ministra Finansas Sara Lobo Brites hamutuk ho diretór jerál, diretór nasionál no koordenadór unidade sira hala’o audiénsia ho Komisaun C, D no F Parlamentu Nasionál (PN) hodi esplika kona-ba pareser hosi Kamara de Kontas relasiona ho Konta Jerál Estadu 2018 nian.

“Audiénsia ida-ne’e, importante tebes ba prosesu fiskalizasaun no julgamentu hosi Kamara de Kontas, nomós apresiasaun no fiskalizasaun polítika hosi Parlamentu Nasionál. Nu’udar kontribuisaun ida-ne’ebé fundamentál ba konsolidasaun demokrátika nasaun nian no liu-liu ba responsabilizasaun polítika kona-ba asaun governu nian”. Informa Ministra Finansas i Atual Vise Ministra Finansas Sara Lobo Brites

Iha parte seluk, haree ba kompleksidade no dezenvolvimentu permanente mákina estadu nian, iha país ne’ebé sei iha faze dezenvolvimentu no perkursu konsolidasaun. Importante atu kontinua hadi’a mekanizmu fiskalizasaun no kontrolu ne’ebé fó biban atu verifika kumprimentu ba prosedimentu legál ho regulamentu iha jestaun públika ida-ne’e.

Iha sentidu ida-ne’e, kontributu pozitivu tebe-tebes hosi Kámara de Kontas, Tribunál Superiór Administrativu, no Kontas nian, hodi atu defende legalidade kona-ba Jestaun Finansas Públikas ne’e Inegável.
“Sistema kontrolu Tribunál ida-ne’e, importante atu avalia sistema jestaun finanseira no kumprimentu ba regras sira”.

Ho liafuan seluk, atu avalia kualidade ezersísiu governativu no promove servisu sira hodi kontribui ba bem jerál no dezenvolvimentu país nian.

Ministra mós reforsa liutan katak, uainhira halo observasaun ba rekomendasaun 26 hosi Kámara De Kontas hakarak atu kompara ba tinan sira anteriór. Hatudu katak tinan ba tinan embora troka governu ida ba governu ida seluk rezistu duni melloramentu ba jestaun finansas publikas. Ha’u hanoin hotu-hotu sei konkorda katak, iha tinan barak ona maka iha duni nia evolusaun pozitivu iha jestaun kontas públikas iha ninia empeñu. Hodi hadi’a frakeza husi sistema no rekursu umanu ne’ebé envolve iha jestaun finanseira.

“Ministériu finansas, nu’udar atór prinsipál halo esforsu tomak atu tulun governu buka implementa, ho possivel rekomendasaun sira husi Kámara De Kontas, nomós hosi uma fukun ida-ne’e, liu husi komisaun Finansas Públika”, tenik Ministra Finansas i Atual Vise Ministra Finansas Sara Lobo Brites.

Halo observasaun de’it ba evolusaun relatóriu hosi tribunal de kontas hosi 2015 to 2018. Karik deputadu sira rekorda iha 2017 iha fim do ano bainhira defende konta jerál 2016. Iha 2015 ita rezista 52 rekomendasaun ne’ebé 35 rekomendasaun implementa no 14 mak la implementa. Iha 2016 tribunál de kontas fó 47 rekomendasaun no balun replika iha 2015 konsege implementa 28 rekomensaun no 16 rekomendasaun maka la implementa. Iha 2017 tribunál de kontas formula 23 rekomendasaun implementa 19 no 4 rekomendasaun maka seidauk implementa. Ita bele haree redusaun ida 40% hosi 2015 no 2016.

Hafoin tinan 2018 Ministériu Finansas simu 26 rekomendasaun ne’ebé maka Kamara de Kontas formula iha konta jerál 2018 nian. Haktuir pareser Kamara de Kontas ba pareser konta jerál estadu 2018. Embora iha esepsaun no reserva balun hosi Kamara de Kontas ne’ebé em prinsipiu fó nia opiniaun. Konzuntu demostrasun finansas estadu ne’ebé Ministériu Finansas aprezenta tuir duni forma lolos ka verdadeira iha tetu hotu materiál relevante ba ezekusaun orsamentál, fluksu de kaisa iha tinan rohan 31 Dezembru observa duni tuir norma prinsipiu aplikaveis.
Ba ida-ne’e tribunál de rekursu tuir termu lei organika Kamara de Kontas nian emite juizu globalmente favorável kona-ba konta jerál estadu 2018.

Governante ne’e esplika liutan katak, rekomendasaun sira hosi Kamara de Kontas la kestiona ba nia globalidade no legalidade kona-ba ezekusaun durante tinan 2018. Maibé hanesan forma ida importante atu kontinua halo koresaun téknika no kumprimrntu ba normas no regulamentu. Liu-liu iha área orsamentu ba despezas no reseitas, ezekusan ba reseitas no despezas, aprovizionamentu, jestaun patrimóniu moveis i imoveis estadu, aprezentasaun administrasaun finanseira no relatóriu kontas anuais.

“Ministériu Finansas comprometido no hahú tiha ona analiza ho interese ba rekomendasaun sira ne’ebé maka Kamara de Kontas formula iha konta jerál estadu 2018”.

Enjerál ami hare’e katak, iha lubuk ida maka kestaun operasionais no téknikas ne’ebé iha 2019 ami implementa imediatamente. Iha mós balun ne’ebé maka sei lori tempu hodi implementa no iha balun liga ho kuadru legál ezistente no ami presiza tau matan ba kuadru legál atu halo revizaun no harmoniza atu nune’e ita bele implementa.