• MF Ho Komisaun C Finaliza Ona Redasaun Finál Pedidu Levantamentu Extraordináriu Husi Fundu Petrolíferu

Home » Announcements » MF Ho Komisaun C Finaliza Ona Redasaun Finál Pedidu Levantamentu Extraordináriu Husi Fundu Petrolíferu Print Page

MF Ho Komisaun C Finaliza Ona Redasaun Finál Pedidu Levantamentu Extraordináriu Husi Fundu Petrolíferu

Komisaun C Parlamentu Nasionál ohin loron 03 Fulan-Abril 2020- Governu reprezenta husi Ministériu Finansas tuir enkontru redasaun finál Komisaun C Parlamentu Nasionál ne’ebé ligadu ho pedidu levantamentu extraordináriu husi fundu petrolÍferu ho montante millaun $ 250.

Tuir Ministra Finansas em exercício i Atuál Vise-Ministra Sara Lobo Brites hateten ohin marka prezensa iha Komisaun C tuir mekanismu ida. Uainhira ita mai aprezenta lei ida aprova ona iha Parlamentu Nasionál (PN) tenki halo fali revizaun ikus. Para hotu-hotu ne’ebé maka involve inklui Ministériu Finansas hanesan reprezenta governu ho nia ekipa legal. Depois Komisaun C ne’ebé iha nia kna’ar iha finansas públikas ho legal sira hare’e fali lei ne’e ba nia koresaun téknika no la muda konteúdu ne’ebé aprova ona iha plenária tanba plenária maka a’as liu.

“Komisuan C bele muda de’it maka liafuan balun keta sala ba nia koresaun téknika de’it” informa Ministra Finansas em exercicio i Atuál Vise-Ministra, Sara Lobo Brites.
Governante ne’e mós esplika tan katak, data no buat sira hotu lo’os ona, membrus Komisaun C sira vota fila-fali hafoin bele finaliza nia versaun ikus fó ba Prezidenti Parlamentu asina para bele haruka ba Prezidenti Republika. Tanba ne’e maka ami nia prezensa iha ne’e atu asisti finalizasaun hosi diploma ne’e rasik. No ohin membru Komisaun C sira hotu aprova ho votus unaminidade.
Ministra Finansas em exercicio i Atuál Vise-Ministra, Sara Lobo Brites reforsa tan katak, ohin kedas tuir Prezidneti Komisaun C sira sei finaliza fó kedas ba Prezidenti Parlamentu asina no enkamiña kedas ba Prezidenti Republika. Ita espera aprova lalais hodi ita hotu-hotu bele halai ses hosi Covid-19.