• MF no Gabinete PM Aprezenta Ona Proposta Dekretu-Lei Hodi Atribui Suplementu Remuneratóriu

Home » Announcements » MF no Gabinete PM Aprezenta Ona Proposta Dekretu-Lei Hodi Atribui Suplementu Remuneratóriu Print Page

MF no Gabinete PM Aprezenta Ona Proposta Dekretu-Lei Hodi Atribui Suplementu Remuneratóriu

Ministériu Finansas no Gabinete Primeiru Ministru aprezenta ona Proposta Dekretu-Lei ne’ebé maka atu atribui suplementu remuneratóriu ba funsionáriu ka ajente administrasaun publika ne’ebé presta sira nia atividade durante vijensia estadu emerjensia.

Tuir Ministra Finansas interina i Atuál Vise-Ministra Sara Lobo Brites hateten, ohin iha reuniaun Konsellu Ministru Ministériu Finansas servisu hamotuk ho Gabineti Primeru Ministru aprezenta proposta Dekretu-Lei ida ne’ebé maka atu atribui suplementu remuneratóriu ba funsionáriu ka ajente administrasaun publiku ne’ebé maka presta sira nia atividade durante vijensia estadu emerjensia. Liu-liu atividade sira ne’ebé relasiona ho prevensaun no kombate Covid-19. Purtantu Dekretu-Lei ne’e seidauk fixa nia montante hira maka atu atribuui, maibé atu permite de’it governu atu aprezenta liufali husi regulamentu ruma hafoin bele atribui montante tuir risku ne’ebé trabalhador sira hetan.

“Entaun iha dekretu-lei ohin seidauk fixa nia montante, maibé Konsellu Ministru sei liu husi regulamentu sei diskuti nia montante tuir risku ne’ebé atribui”, informa Ministra Finansas interina i Atuál Vise-Ministra Sara Lobo Brites, iha Auditorium Ministériu Finansas, hafoin reuniaun Konsellu Ministru, loron 22 Fulan- Abril 2020.
Ministra das Finansas interina mós esplika liutan katak, ida ne’e maka Konsellu Ministru ohin aprova, purtantu ida ne’e ho forma dekretu-lei sei ba iha Prezidenti Repúblika hodi promulga depois de promulga maka sei liu fali husi proposta ruma aprezenta fali iha Konsellu Ministru para bele fixa nia montante. Relasiona ho nia montante sira atu atribui sei decide iha Konsellu Ministru. Ninia meio atu finansia proposta sira ne’e maka ba iha Konsellu Fundu 2019.

“Montante sira ne’ebé atribui sukat ho risku ne’ebé maka asosia ho sira nia servisu. Purtantu ida ne’e Konsellu Minsitru sei diskuti fila-fali para bele atribui suplementu ida ba iha funsionáriu ka ajente sira ne’e tuir risku ne’ebé sira hetan”, esplika Ministra Finansas interina i Atuál Vise-Ministra Sara Lobo Brites.

Governante ne’e reforsa tan katak, dalaruma atribuisaun ne’e tuir nia risku ninia montante ne’ebé maka atribui konserteza la hanesan ba ida ne’ebé maka risku as no ida ne’ebé maka menus risku ou la indiretamente iha liña de frente. Ministériu Finansas servisu hamotuk ho Gabinete Primeru Minsitru maka sei prepara diploma ida depois maka define kedas nia montante no instituisaun sira ne’ebé maka sei hetan konsiderasaun ba atribuisaun suplementu remuneratóriu refere.