• MF no MTK Halo Audénsia Ho Komisaun C PN

Home » Anúnsiu » MF no MTK Halo Audénsia Ho Komisaun C PN Imprime pájina

MF no MTK Halo Audénsia Ho Komisaun C PN

20190510_MF no MTK Halo Audénsia Ho Komisaun C PN

Ministériu Finansas (MF) no Ministériu Transporte Komunikasaun (MTK) halo audénsia ho Komisaun C Parlamentu Nasional (PN) hodi diskuti kona-bá sistema ne’ebé Rejiaun Administrativa Espesiál Oe-Cusse Ambeno (RAEOA) utiliza hodi bele integra ho sistema governu sentral nian hanesan Government Resource Planning (GRP). Enkontru refere realiza iha Auditorium Grupo Mulheres do Parlamentares de Timor Leste (GMPTL), loron 9 Maiu 2019.

Tuir Ministra Finansas en Ezersisiu no Vise Ministra Finansas Sara Lobo Brites entermus sistema, Ministériu Finansas halo tiha ona reuniaun ho ekipa orsamentu Rejiaun Administrativa Espesiál Oe-Cusse Ambeno (RAEOA) hodi hare’e opsaun sira ne’ebé atu integra iha aplikasaun nomós orsamental.


“Ami esplika ba Komisaun C katak ba tinan 2019 Ministériu Finansas servisu hamutuk ho RAEOA prepara hela informasaun lubuk ida, apartir 2018 to inisiu RAEOA ezisti kona-bá informasaun sira relasiona ho sira nia ezekusaun. Ita bele tau iha sistema dadus no publika iha ita nia portal trasparensia” hateten Vice Ministra, Sara Lobo Brites
“Agora ba 2019 ita iha faze tranzisaun. Purtantu Ministériu Finansas ho RAEOA sei servisu hamutuk rekolla informasaun para bele mós tau iha portal. Maibé atu implementa no utiliza lolos sistema GRP ita iha ona planu atu bele implementa iha 2020” hatutan Ministra Finansas en Ezersisiu no Vise Ministra Finansas Sara Lobo Brites.


Orsamentu Rejiaun Administrativu Espesiál Oe-cusse Ambeno (RAEOA) nian, governu tau iha kategoria Transferensia Publikas, kuandu tau iha Transferensia Publikas, nia ezekusaun ne’e governu sentral maka transfere ba RAEOA. Mekanismu ezekusaun sei implementa hosi ajensia ne’ebé bele implementa.

“RAEOA-ZEESM iha sistema no mekanismu rasik. Sira ezekuta osan tuir sira nia sistema. Ezijénsia ida ne’ebé maka iha hakarak utiliza sistema Government Resource Planning (GRP). Ida ne’e maka ita servisu hela para bele integra sira iha sistema ne’e no dadus ezekusaun bele publika iha portal transparensia”, dehan Vise Ministra Sara Lobo Brites depois remata inkontru ho Komisaun C.