• MF no UPMA Servisu Makas Hodi Finaliza Livru OJE 2021

Home » Announcements » MF no UPMA Servisu Makas Hodi Finaliza Livru OJE 2021 Print Page

MF no UPMA Servisu Makas Hodi Finaliza Livru OJE 2021

Ministra Finansas Interina i Atual Vise-Ministra Finansas Sara Lobo Brites hala’o enkontru semanál ho Primeiru Ministru Taur Matan Ruak hodi atualiza kona-ba progreseu preparasaun livrus Orsamentu Jerál Estadu Tinan 2021 nian.

“Ministériu Finansas ho Unidade Planeamentu Monitorizasun no Avaliasaun (UPMA) servisu makas durante fim semana hodi bele intrega livru Orsamentu ba Parlamentu Nasionál molok fulan ida ne’e remata. Ami promete iha semana rua nia laran ka molok fulan outobru remata ita sei intrega, informa Ministra Finansas Interina i atual Vise-Ministra Finansas Sara Lobo Brites hafoin enkontru semenál ho Primeiru Ministru Taur Matan Ruak, iha Palasiu Governu, loron 19 Fulan Outobru 2020.

Ministra Finansas Interina i atual Vise-Ministra Finansas Sara Lobo Brites, hateten segundu Primeiru-Ministru, Taur Matan Ruak mós fó orientasaun sei iha enkontru Quarta feira loraik, depois de Konsellu Ministru. Sei iha enkontru ministru sira hotu ho Primeiru Ministru para bele halo aprezentasaun liu-liu liga ho UPMA nia parte kona-ba Orsamentu ne’ebé tinan ne’e ita aprezenta ho baze orsamentu kada programa.

“Purtantu idéia ne’e Primeiru-Ministru hakarak Ministru sira entende estrutura Orsamentu ne’ebé foin dau-dauk ita aprezenta ba iha Parlamentu”, dehan Ministra Finansas Interina atuál Vise-Ministra Finansas.

Terseiru iha mós orientasaun husi Primeiru Ministru aban ba Parlamentu Nasionál hodi partisipa sesaun plenária kona-ba aprezentasaun planu rekopersaun ekonómiku. Ida ne’e Ministériu Finansas hamutuk ho ministériu sira ne’ebé maka relevante hanesan Ministériu Solidaridade Sosiál i Inkluzaun (MSSI), Ministériu Koordenadór Asuntu Ekonómiku (MEKAE), Ministériu Asuntu Parlamentar i Komunikasaun Sosiál (MAPKOMS), Ministériu Negosiu Estranzeiru no Kooperasaun (MNEK), Ministériu Transporte Komunikasaun (MTC), Ministériu Turismu Komersiu Industria (MTKI), Ministériu Agrikultura i Peskas (MAP) i Secretariadu Estadu Ko’operativa (SEKOOP) nomós akompaña husi Ministériu Presidenti Konsellu Ministru.

Governante ne’e mós esplika, Ikusliu sei iha retiru dala idatan ba membru governu sira iha loron 30 fulan Outobru kona-ba preparasaun ba debate Orsamentu Jerál Estadu 2021 nian. Tamba iha mudansa iha estrutura liu-liu aprezentasaun Orsamentu kada programas atu nune’e Ministru sira tenki hatene informasaun sira ne’ebé ita tau iha proposta lei nomós livru orsamentu kada Ministériu tenki entende.

“Hau hanoin loron ida deit, tanba ohin foin simu orientasaun preparativus para Ministériu Finansas no Unidade Planiamentu Monitorizasun no Avaliasaun (UMPA) bele halo aprezentasaun”, tenik governante.

Hatan kona-ba Orsamentu Jerál Estadu (OJE) 2020 ne’ebé maka promulga tardi posibilidade sei iha DOT Governante ne’e esplika. Husi parte Ministériu Finansas prepara hotu ona ita nia sistema para Dotasaun Orsamentu Temporaria (DOT) iha deit fulan Outobru. Iha fulan Outobru kuandu Prezidenti Republika promula OJE 2020 no Novembru ita tama kedas ona ho ezekusaun normal. tamba orsamentu aprova ona kuandu Prezidenti Republika promulga automatikamente DOT ita ensera no ita label kontinua.