• MF Partisipa Iha Semináriu Ho Tema Polítika Orsamentál no Finansas Públikas

Home » Announcements » MF Partisipa Iha Semináriu Ho Tema Polítika Orsamentál no Finansas Públikas Print Page

MF Partisipa Iha Semináriu Ho Tema Polítika Orsamentál no Finansas Públikas

Pousada – Baucau, loron 15 fulan- jullu tinan 2020 Vise-Ministra Finansas, Sara Lobo Brites, hola parte iha abertura Semináriu “Polítika Orsamentál no Finansas Publika” ne’ebé organiza hosi Komisaun C, parseria ho Programa PFMO Institutu Camões no União Europeia. Iha Semináriu ne’e, Vise-Ministra Finansas Sara Lobo Brites sai mos oradora hodi aprezenta tema rua mak hanesan, “Politíka Orsamentál Dezenvolvimentu Ekonómiku, Finansiamentu Despezas Publikas no Rejime Jestaun Finanseira nian”.

Tuir Vise-Ministra Finansas Sara Lobo Brites katak, haree hosi tema ne’ebé atribui primeiru Politíka Orsamentál Dezenvolvimentu Ekonómiku, Finansiamentu Despezas Públikas no segundu Rejime Jestaun Finanseira nian. Tema ne’ebé maka abranzente nomós korelasaun ba malu, entaun iha kontiúdu ami fahe fali topiku ne’e ba parte sira tuir mai.

Tópiko dahuluk konaba Polítika Orsamentál ne’ebé sei fahe ba iha sub-tema rua. Sub tema dahuluk ami elaborasa situasaun fiskal Timor-Leste nian no tuir fali reforma fiskál no jestaun finansas publikas, atu bele partilla to iha ne’ebé ona reforma fiskál nomos ba oin atu halo oinsá.

Tópiko daruak konaba dezenvolvimentu ekonómiku. Parte daruak fahe fali ba subtema tolu; Primeru, estratégia foka liu ba prioridades ne’ebé ami hanoin ligado ho Planu Estrategiku Dezenvolvimentu Nasionál ne’ebé maka Governu iha liuhusi orentasaun Primeru Ministru nia durante preparasaun Orsamentu Jerál Estadu (OJE) 2020 no 2021. Segundu, kolia ituan kona-ba karaterisitika ekonómia Timor-Leste nian ne’ebé sei elabora liu pozisaun makro ekonómia Timor-Leste nian ba oin. Terseiru, finansaiamentu despezas publika ami hanoin katak ida ne’e liga liu ba iha reseitas petrolíferu, reseitas doméstika no despezas públikas no ami mós akresenta tan regras fiskais.

“Konaba regras fiskais Ministériu Finansas iha prekupasaun ho sustentabilidade fiskál no hanoin katak Komisaun Finansas Publikas mos iha prekupasaun ne’ebé hanesan. Tanba nee ami hanoin tempu ona ita hatur regras ruma hodi regula ita nia despezas”’ informa husi Vise-Ministra, Sara Lobo Brites.

Governante ne’e esplika, dalaruma bele mosu perguntas tanba saida foin maka hatur fali regras? loos duni tanba durante nee la defini regras, mais tenki hanoin ba oin katak Timor-Leste iha reseitas ne’ebé forte oinsá ho sustentabilidade ba futuru entaun tempu ona bele servisu hamutuk ho apoiu Komisaun Finansas Públikas hodi defini regras winhira prepara orsamentu anuál.

Iha semináriu nee hetan partisipasaun másimu husi Vise-prezidente Parlamentu Nasionál, Deputada Maria Angelina Lopes Sarmento, Prezidente Komisaun C, Maria Angélica dos Reis, Embaixadór Portugál iha Timor-Leste, José Pedro Machado Vieira nomos Embaixadór Uniaun Europeia iha Timor-Leste, Andrew Jacobs.